المســــــاجله الشعــــــــــريّـه .

**شقران** · 30-09-2003, 02:30 PM

هههههههههههههههههههههه

يالعزوه

وش نقول

خلني برا اتفرج

شقراااااااااااااااااان

**راكان بن بدن السبيعي** · 30-09-2003, 02:39 PM

لالالا

ماكو فكّـــه يا السنــــــافي :

أنت يا شقــران قلّي بأي حزب(ن) ترتجيـه
.......................... الرمادي لون غامض وأنت حدّد لك مداا

أعلن الثــــوره وحــدّد موقعك كانك تبيـه
......................... لا يضيــع الجهـــد كلّه لايروح أمري سـداا

الألف

أ

**طيف الوله** · 30-09-2003, 03:04 PM

ههههههههههههههههه افااا يالكاايد حرب مره واحده ماني بقدك يا اخوك خل المساله وديه

استلم لا هااان شقرااان

السفيه اللي الا من صار عكسه من يبيه

...............................ثارت جنونه وقام الجو عنده يرعدااا

حرةٍ شيهانةٍ عالي مقامي ما تجيه

............................لوهدااااموج ك تاكد ان موجي ما هداااا

**راكان بن بدن السبيعي** · 30-09-2003, 03:16 PM

ما فيك قصــور ولايهون شقران :

الشعــر خلوا مجاله .. أرحموا له والديه
.......................... كم مره يشتكيـــلي ؟؟ .. وأذبـــح لروحــه فداا

مشكلتكم تبتـلـــــــونه والبــلا منّـــه وفيــه
.......................... كان يجلس في تواضــع .. كني أشــوفه عداا.. !!

الألف

أ

**طيف الوله** · 30-09-2003, 03:40 PM

التناقض في حروفك صار واضح وش عليه؟

.............................دام طار العقل منك مايفيد بك الجدااا

الله يخلف والبقااا في راس منهو لك شبيه

......................... مابها عذرٍ ولا به شك وافهم مقصدااا

**شقران** · 30-09-2003, 03:48 PM

ههههههههههههههههه
بالحلق بالحلق يعني

ان سالتن يانديمي افـــــــــهم اللي نبتغيه
........................................ ودي الـــــــعب في ديار مبعده مابه حدا

لايمين ولا يسار ومن تبع غـــــــيره يتيه
....................................... والاصـــــايل تلحق بتال اللزز ماتســـندا

شقراااااااااااااااان

**راكان بن بدن السبيعي** · 30-09-2003, 08:45 PM

شقراااااااااان القرم

لا تنزعــج أعلنها ..... الدعوى وناسه ....

حــزبي يحتريك ,, وأن كانك تبي ^^ الحزب الآخر ^^ فلك حرية الأختيــار

أوقد النار يا شبّابها :

الغبــــي ننسى كــلامه .. والخــوي نشــره عليه
.......................... من جحـد دبرة خــــويه سيف حظــه يغمداا

يا حشــود الحزب ثوري .. وأطمسي كل الوجيه
........................ اليهــــودي يشتكينا .. وأنا هــداه الله هــداا

ألف ولا غير الألف شي

أ

**راكان بن بدن السبيعي** · 01-10-2003, 01:23 AM

وين الأحـــــــــــزاب

وين الشعــــــار و وين الجمهــــــور

يالله نبــي تفـــــاعل .. نبي حــركه

ما هـــو لازم أن اللي يشــــــارك يكتب أبيات بس يكفينا أنك تحدد موقعك من الحزبين وتعلق

ولا واحـــد أعلن إنضمــــامه ...

يالله

**الخيال** · 01-10-2003, 10:22 AM

الثنين ا حزابهم عز وفخر
........ والقصيد بحضرت اسياده يلين

يظهر الميدان نحات الصخر
..... في قوافي وزنها دايم رزين

والورود بقطفها شوك وزهر
..... والمعاني يفهمه رجل(ن) فطين

..................................................

والله كلكم خير وبركه وكلكم اتشرف بوجودي معكم

لكن يقولون الاقربون اولى بالمعروف

تحياتي للجميــــــــــع

**راكان بن بدن السبيعي** · 01-10-2003, 11:04 AM

هلا والله بالخيــــال

أنت مكسب

بس الظاهر أنك بتسوي زي شقران محايد .. وبيتحالف حزبي وحزبي طيف عليكم

ثم تجي الضربه اللي تقصم ظهر البعيــر .............

استم لا هنت /

ندعي الغايب .. ونرجي من حضـر
.................... مرحبا باللي على قدره وزين

الحـــــــروف مترجمــــــه بين البشر
...................... والسوالف هيّنـــــه يا مدعيـن

أعرض حروفك على ضابط خفـر
....................... والـــولاء لله رب العالميـــن

النــــــون

ن

**شقران** · 01-10-2003, 11:16 AM

ههههههههههههههههههه

يالكايد والله انك كاااااااااااااايد

ياعلي ماعدمك

نحاول بالنون

نايـفات القــــاف بــــــيّه تنـــــتظر
....................................... والمصـــيبه دونها حـصنٍ حصـين

كـــفتينٍ مــــثل عيـــنين البــــصر
....................................... والدروب اعزاز يســـــرا واليمين

النووووووووووووون

شقران

**راكان بن بدن السبيعي** · 01-10-2003, 11:26 AM

شقران ... الخيال

مالكم عذر أعلنوا الولاء أو العداء

نقرع أجراس التحـــــدّي والخطــــر
.................... من يجي نذبـــــح له الكبش السمين

وأهل جــدّه ما دروا بأهل الخبــر
.................... لن بين أجيالهـــــم حقــد(ن) دفيـــن

حزب جـــدّه ...... نحتريك بفارغ الصبر فنحن متلهفين للدماء |2|

**شقران** · 01-10-2003, 11:42 AM

انا والخيال الله العالم حزب ثالث دام بها دم يالحبيب

اسمع النون
نجـــــــد والـــــلي بالشـــمال وبالحـــــفر
.......................................... قـــــرروا عـــــقـــــدٍ لصلح يافــــطـــين

دام بـــــه يــــامــــــسنــــــدي دمٍ حـــــمر
.......................................... المـــساعي نــــرفــــعه لــــلعـــارفــــين

شقران

**راكان بن بدن السبيعي** · 01-10-2003, 11:59 AM

نقش حرفك حافر(ن) صم الحجـــر
..................... وأنت شاعـــر بس قلّي وين وين

والله أني ما أنتهــــي لو بأنتحــــر
.................... بأفني أحــــــزاب التحالف خايبيــن

لين ياسر يعلن الهـــــدنه قهـــر
.................... برطمــه هــزّاز .. والنغمــه رنيـن

جاهك عزيز ... لكن لا هـــوادة في ذلك

فنحن ضد التطرف وسنطارد الإرهابيين ^^ مصدر مسؤل ^^

النــــــون

ن

**شقران** · 01-10-2003, 12:16 PM

لين ياسر يعلن الهـــــدنه قهـــر
.................... برطمــه هــزّاز .. والنغمــه رنيـن

هههههههههههههههههههههه

احذر دحلان

نقول النون يالعزوه

ننـــتظر حـــــزب بعــــــيدٍ ماحــــــضر
............................................ عـــــل نـــقـرا فـي قــوافيه الـــدّفين

ونفــهم الخـــافي ولـــــو هو مختصر
............................................ والـــتريّث من ســــــمايا العـــارفين

شقراااااااااااااااان

الموضوع: المســــــاجله الشعــــــــــريّـه .

أدوات الموضوع

بحث في الموضوع

تقييم هذا الموضوع

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة