من قال لك اني احبك واغليك
من قال لك ياهيه اني هويتك
من قال انك مشغل بآل مطريك
اصلآ أنا غلطان كاني طريتك
ماانكر اني كنت متمسكه فيك
لكن فيك تقول اني نسيتك
صحيح مو طبعي اقسى واعاديك
لكن أنت اللي تنكر لقيتك
تشوفني ابكي ولاقلت وشفيك
وانت لو تغيب لحظه بكيتك
تبعد وتجرحني وتزعل وأراضيك
وأقول لاتزعل تبسم فديتك
وان شفت بك عله بهمك اخاويك
وأطاوعك دايم ولاقد عصيتك
وادعي لك بقلبي عسى الرب يحميك
ولاقد خاصمتك ولاقد جفيتك
وأسامحك واصبر وبالطيب أجازيك
وان كان لي ماجيت بالحب جيتك
وان جيت أنادي إنسان أغلط وأناديك
وان ضعت في دربي بعيني لقيتك
سكنت وسط القلب ترسو موانيك
خذ راحتك عمري ترى القلب بيتك
وش غير قلبي قل وش ودك اهديك
لو اقدر من الشر والله حميتك
هذا وأنا اللي كنت احبك واغليك
ومن بين كل الناس والله بغيتك
أشوف مع ذلك ولافايد فيك
قل وش بقى شي وأنا ماعطيتك
عطيتك الإخلاص والحب أسقيك
لا وآخسارة حبي اللي سقيتك
جازيتني بالصد الله يجازيك
ماكنت أحسبك نذل لا ماهقيتك
شف بعد هذا منهو يرضا يخاويك؟؟
يالخاين اللي ذاع بالناس صيتك
خلاص ابعد لاتجيني ولااجيك
ارحل عن عيوني تراني نسيتك..