مراحب للجميع
مواضيع كثير انطرحت حول هذه المشكلة..
واللي تكاد تكون من ابرز اسباب فشل او فساد الشباب..
حقيقة الموضوع جاد جدا
لو قلت لكم انه في شخص عمره 33 باقي ما تزوج
تعتقدون ايش السبب
لو سألناهم بيكون جوابهم..
ليش كل هالطلبات..؟؟!!
الان الاباء لا يريدون الا شخص مؤمن نفسه يعني عنده سيارة كويسة وفيلا بالقليل ومتوضف في ارامكو
ويقولون لا يجب ان نستسلم هذا هو سبب كثرة الاغتصابات والمشاكل الجنسيه اعاذ نا الله وياكم
طــــــــــــــيـــــــــ ــــــــب كيف اؤمن نفسي على قولكم بالله ( رساله الى كل الاباء)
وانا مثلا وضيفتي راتبها ما يكفيني انا !!!!!!!!!!!
كيف اسوي ؟ متى اتزوج؟ كيف ؟
ولو نظرنا الى الجانب الاخر بنشوف رد البنات..
اخوي .. هل تقبل ان اختك تتزوج واحد راتبه مثلا (2000) ريال شهريا بصراحه طبعا لا مابترضى ياخي طيب حط الاباء مكانك
ونقول لو رضيت كيف بتكون حياتهم بصراحه بتكون حالتهم اسوء من سيئه ليش لانهم بعدين بينجبون وبتضيق الافين اكثر وتصير طلبات كثيره ويصير الوضع اصعب فاصعب صح
اذا أكيد من حق الاب ان يخاف على مستقبل بنته
بتقول لي صحيح انه كان فيه ناس تعيش على كسرت الخبز لكن في وقتنا الحاضر اتحداك تلاقي
بتقول ليش انا اقول لك لأن الحاله التارفه الان صارت اكثر من اول الان فيه ترف كبير
يمكن الان لو البيت ما فيه تلفون يقولون الناس عنهم (اجل كيف عايشين ذولا وما عندهم تليفون)
فما بالك في المتطلبات الاخرى مثل فاتورت الكهربه والمياه والخ.........
انا اتمنى اننا نكون جادين شوي..
ونقدر نتناقش كافراد كبار لهم ارائهم في المجتمع..
باعتبار المشكلة مشكلتنا اكثر منها مشكلة ابائنا واهلنا..