اخواني اخواتي حبايبنا
اليكم هذه المرثيه اللتي قلتها في احد زملائي الغااالين وهو النقيب الطيار :مشعل حماد الحربي,
اللذي توفي رحمة الله عليه اثناء التدريبات الجويه
اسكنه الله فسيح جناته
آمين يارب
[poem=font="Arial,5,white,bold,normal" bkcolor="transparent" bkimage="backgrounds/10.gif" border="groove,4,white" type=1 line=1 align=center use=ex num="0,black"]
علمٍ لفاني يالعرب حيل وقّاد=خلى عيوني تنغرق في بحرها
صقرٍ فرش جنحانه الليوم ماعاد=هزت تبوك الفاجعه من خبرها
اضحى ضحانا ياعرب حزن ونكاد=احدٍ دموعه خافيه او نثرها
يالله تنزل رحمتك لأبن حماد=اللي طبوعه عاليه ماقصرها
رجلٍ عزيز السالفه فيه تنعاد=وكّد دروب المكرمه ماطمرها
روّح لربه ماترك فيه منقاد=كل المراجل لمّها ماخسرها
لوالسحايب تقدر اليوم تحتاد=والله لشوف دموعها في مطرها
بدرٍخفى ونجوم غيره بالأعداد= ماينفقد بالليله الا قمرها
يارب تسكن روعته يوم الاشهاد= يوم الصغير يشيّب اليا نظرها
ويارب ترحم لاتوسدت الالحاد=في حفرةٍ ماينعرف من حفرها[/poem]
وسلامتكم
رد مع اقتباس
