الاخوه الاعزاء/اعضاء غرابيل مساء الخير للجميع
للتواصل معكم
هذه قصيده كتبتها قبل حوالي سنتين تقريباً عباره عن قصيده اجتماعيه ولكن يعلم الله أنها لم تكن من نسج الخيال
بل من واقع وتجربه مررت بها ولا تزال عالقه في ذهني حتى الساعه (سامح الله من كان السبب في ذالك)
اليكم القصيده000000
[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
يقولون لاجار الدهر حطم الرجال=ونا أقول لاجار الدهر بانو أصحابي
انا يوم جاء للهم في خافقي مدهال=وكرهت المكان وملّت الِرجل مرقابي
جفا النوم عيني من همومي وضاق البال=وضاقت علّي وضاق صدري من ثيابي
نصيت الصديق انخاه واشكي عليه الحال=صديقٍ معي ماعده ألا من اقرابي
وعده ذخر لاشان وجه الزمان ومال=واقول أنزهمت فلان فزّ وتلوابي
أبهر له الصفرا وأعديله الفنجال= وأهلي ورحّب كل ماقبل على بابي
كسبت الجمايل لانخاني بجاه ومال= خويي وأقول اليوم ماعنه مجنابي
ولكن بعد ضاقت علّيه وجيته قال=أناوش علّيه منك وأقفا يتهزابي
عسى الله يسود وجه من بالصديق احتال=يطيح القناع وينكشف وجهه الهابي
تخِيب الظنون وتنكشف غاية الجهال=وتبقى النوايا البِيض للخير تسعابي
وعليه الملام وشرهة الجيل والعقال=زمانٍ ندر فيه الوفا بين الأصحابي[/poem]
وسلامتكم
قبل الوداع
هناك سؤال يبحث عن جواب صادق00
س/هل الصداقه في هذا الجيل كماهي عليه في الاجيال السابقه ام ماذا؟
0وعلى الحب نلتقي0
اخوكم/ظافر السهلي