[align=center]مساكم الله بالخير ..
هذا موضوع للنقاش الجاد ومن بنيوات افكاري الحلوه...
ياليت لو نتباحث الموضوع بقليل من الصرقعة
تخيل إنك تقعد الصباح .. وبدون سابق إنذار تقرر بكل براءة
تفتح إيميلك عشان تشوف من اللي ارسل لك ومن مافكر يرسل لك ..
في حالت إنك تمساح .. لن تجد إلا رسائل الإعلانات اللي من أول مافتحت
إيميلك اشترطوا عليك إنك تختار منها عشان ترسل لك يومياتها الحلوه ..
طبعا صح إنها مفيدة ولكن ماحد يعرف يستغل
<= قل قسم
==>> قسم
في حالة كنت سحلية .. تجد أول ماتفتح عشرين رسالة من المعجبين
واربعطش رسالة من المحبين .. وستة وثلاثين رسالة من (( فلان ))
<== طيب ورى ماتكتب ارقام طيب ؟؟ :11ughboun
وكرت فيه وردة حمراء تصبح فيها على يوم جديد ...
____
الخطوة الثانية ...
الجوال ..
في حالة كنت تمساح .. تفتح جوالك تلقى عدة رسائل منها
زملائك .. طبعا يامتأخر عن الدوام .. او عن الجامعة ..
او كنت مواعده ومعطيه السيفون ومعشق بمخه الخامس
ومرسل لك رسالة يهزئك فيها ويلعن ابو ابو ابو سلسبيلك . .
او .. رسالة من مسابقة جريدة الجزيرة .. يبونك تشارك لانهم
يعرفون إنك تمساح مطفر وتبي الدراهم ..
أو رسالة من شركة الإتصالات يعلمونك فيها إنك بتوصل الحد
الإئتماني فـ اطمر لاقرب صراف سدد لا يطلع عليك مندوب من السماعة
ويغولك .
أو امك مرسلة لك رسالة تطلب فيها أغراض او اختك خايفة منك تبي تروح السوق
وتدري لو بتوديها بتلعن ابو الخامس فيها .. فـ ترسل لك رسالة تطلب فيها وبكل
ادب انك توديها للسوق ..
ومايوديها بالأخير ..
في حالة كنت سحلية ... رسائل تصبيح بالهبل .. ورسائل تمسية
بالمئات .. ورسائل بالمئات برضوا تتمنى لها نوماً هنيئا وأحلام
وردية وناعمة .. وعدة رسائل دعاء بان الله يهدي سرها في منامنها
ويمنع عنها الإكتئاب والصداع .. ومن ثم رسالة وسائط بعشرين بيت
من (( س )) لتبدأ صباحها بكل نشاط وحيوية ويكون او واحد (( فق ))
خشه بمخيلتها .. .
طبعا لكسب الود اكييييييييييد ..
في حالة غسيل الوجه بعد النوم ..
في حالة كنت تسماح .. تلقى ثلاثة أنواع من مكونات النظافة ..
1- صابونه (( zezt)) لانه يشوف الولد الحلو بالدعاية يفرك خشته فيها
2- معجون أسنان وفرشاة طالعة كأنها أسيام من كثر ماجات بين ضروسه
3- ظاطور ( بريعص ) بجانب المراية يتصبح بوجهه كل يوم طبعا مستغرب
من الكائن اللي قاعد ..
(( لسان حال الظاطور يقول : ذا وجه تقابل فيه خلق الله )) :غمزه:
4- <== بس كاتبها كذا اشوف إنك تلاحظون إني كاتب ثلاث انواع فوق وإلالا
<== احلف
واللــــــــــــــه
ويبدأ التمساح بفرك خشته المصون بمايتوفر أمامه من أدوات ومن ثم
يذهب إلى غرفة خواته ويسرق منهم كريم ليدهن به شدوقه المتشققة ..
في حالة كنت سحلية ... بتحصل على مغسلتها عدة أشياء .. طبعا
فرشة اسنان من نوع راقي .. وفرشاة أخرى خاصة بالتقويم .. لانها
تفكر تحط تقويم فـ استعجلت الموضوع شوي ..
شمعتين من ذوات الروائح (( هدية)) ... ومجموعة استيكرات على شكل
قلوب وفراشتين مستماسكة الأيدي وبينهم قلب (( هدية برضو ))
وأشياء يصعب علي سردها في هذه الفرصة الكريمة :11eatdrop
وعند تفقد صندوق البريد ..
في حالة كنت تمساح ... فواتير شركة الإتصالات لك ولأخوياك كلهم
ورسائل كشف الحساب من البنوك اللي فاتح فيها حساب .. وفواتير
الكهرباء والماء حق البيت .. وزبيرية ..
الزبيرية عشان تمحط فيها موظف البريد وتهرب
<= لعانه بكيفي
في حالة كنت سحلية ... طبعا تلقى بوكيه ورد مجفف من مزارع
الورد بتبوك .. وهدية من موظف البنك اللي فتح لها الحساب او مره قد
فزع لها بتسديد رسوم او شئ .. هدية اخرى من تمساح خارج الدولة
تعز عليه حييييييل ولا له حيل إلا البريد .. <== ياقلبي ياهو احس إني رحمته
وفاتورة شركة الإتصالات السعودية مسدده ومعها بوسة براطم .
طبعا لما تطلع من البيت وحاب تتمشى
في حالة كنت تمساح .. مالك إلا شارع التحلية أو العليا تمتر فيه
سيارتك لين تقول للعنز ياخالة ..
ومن زين الطبايع وانت واقف بالإشارة بس عيونك تتلاقط على
كل سيارة مغيمة وأنواع اللي يحذفونك بالعلب وإلا بقطوف الزقاير ..
أو تروح لمقاهي الشيشة وتعسل
لين تتفل العافية .. ومن ثم تذهب للنوم ..
وفي حالة ذهبت للسوق تلقى سكيورتي زي البغل واقف على بوابة
السوق واول ماتجي يقول لك عوائل .. ومسوي تلعب عليه وتقول اهلي
داخل ونزلتهم عشان البق سيارتي ماتدري إلا واهو ماسكك مع علابيك
وممسك الباب ..
في حالة كنت سحلية .. طبعا من تركب السيارة والسيارات حواليها
زي النمل اللي يبتسم .. واللي يناظر بخجل .. واللي يسوي نفسه مبـ منتبه
ولما يشوفها يزين علومه .. أو تشوف هندي يبيع ماء بالشارع ..
<== وش جاب الهندي للموضوع ؟؟
==>> مادري شفته قلت له تعال شاركنا بالموضوع :اوبس:
ولما تروح السوق .. انواع الترحيب والتهليل من قبل اصحاب المحلات
والسكيورتيه .. ولما تدخل محل عطور وتبغى عطر معين ..
ويسمعها اللي واقف بجنبها . يقول يطلع البطاقة ويمحط العطر على حسابه
واكيد ماراح تقول لا . ....... هدية .
في حالة الكتابة بالمنتديات ..
في حالة كنت تمساح .. تكتب موضوع وتقعد تجيب كل تجاربك الإنترنتيه
وتحاول تبدع إلى مالا نهاية .. وكل ماجاتك فكره تطرحها وتحارب من أجلها
وإذا جاتك فكرة وانت بالسيارة تكتبها بورقة عشان إيش ؟؟
قولوا معي عشان إيش؟؟؟
عشان تكتبها ...:)
وبعد ماتكتب وتلعن ابو الكيبور من السعابيل والكتابة ..
تحصل الردود . اثنين أو ثلاثة .. او واحد يستحي منك ورد عليك
مجاملة ..
في حالة كنت سحلية .. تكتب موضوع .. أو تنقلة ..
ياربيييييييييييييي على موضوعها يهبل ..... البنت هذي
نابغة .. وخروا عنها ياناس .. واللي يرد عليها بنفس الموضوع
واللي يرسل لها رسالة على الخاص . يمدح فيها ويمدح أناملها
الذهبية ,, ويمدح حتى جيرانهم لانهم سكنوا بجنب هالبنت النابغة .
الله الله الله ..
<=== طيب شوي شوي لايطق لك عرق
===>> طيب :اوبس:
فـ يااخواني التماسيح . واخواتي السحالي ..
ليه مانتداول هذا الموضوع في سوق الأسهم قصدي في
هذه الصفحات القليلة .. مع إني خايف من آخر نقطة لاتنطبق علي
بس قبل مانقول أي شئ ...
سؤال برئ
:icon_twis
:كلوش: <=== وش تبي ذي ؟؟
بدوووووووووري
[/align]
رد مع اقتباس
