السلام عليكم
أسعد الله أوقاتكم جميعاً...,
أضع بين أيديكم هذه المتواضعة وآمل أن تنال إعجابكم....,
[poem=font="Simplified Arabic,5,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
الحـمـامـة صـادت الـحـــر القــطامي=والقـطـامـي يشهق وروحه صريعة
رمـش عيـنـك لعـنـبوه أكـبر حرامي=يسـرق الخـافـق لو ضلوعي منيعة
صوبـتـنـي رميـة(ن) مـن رمـش رامي=ياعسـاني فـدوة العـيـن الوسيعة
يوم فـزتـي بلـَغـي عيـنـك ســلامي=وعلـمـيـها ان أمـرها ملزوم أطيعه
بس؛؛ لا تشبح ..وأضـيَع وش علامي=ليت تـتـركـنـي كـذا عـلى الطبيعة
والله إنـي لأعـلــن اللي كنت كامي=إن قـلـبي مـا لقـا بـغـيرك ربـيـعه
ذقت منك الوصـل وأبعدت الأسامي=غير اسـمـك وصلـهـم مثل القطيعة
يالـجـمـيـلة منـزلك بالـقـلـب سـامي=وأنتي أدرى بالـهـواوي مايريعه
غـير فـرقاً جـمـرهـا بالقـلـب حامي=لو تغـلَي ؛؛أصـبح لهـمـي وديعة
وأدري بروحك على روحي تحامي=من وفــاهـا عندها روحي رفيعة
ثنين في واحـد لأجل يوضح كلامي=أولأجل توصل لك الصورة سريعة
اشتبـاك أرواحـنا تــوأم ســيـامي=بس..! ما يفـصله دكتور.. الربـيـعة
سلهــمي بأكـبر حــرامي ثم نامي=فصـلـهـن بس الله اللي يسـتطيعه[/poem]
وتقبلوا تحيات أخوكم / أحـمـد بن نـاحـل