السلام عليكم ورحمة الله وبركاته
هذه رسالتي الثانيه لوزيرنا المبجل
وزير التربيه والتعليم ..
الذي يشغل رئيس هيئة حقوق الأنسان!!
وكم اتمنى ان تكون لديه ولو ذرة انسانيه للنظر في أحوال خريجي كليات المعلمين
[poem=font="Simplified Arabic,4,white,bold,italic" bkcolor="transparent" bkimage="backgrounds/28.gif" border="groove,10,green" type=2 line=0 align=center use=ex num="0,black"]
لاالـه الا انـت يالمعبـود يالفـرد الصمـد=بالوصـوف وبالجمـال وبالكمـال مكـمـلا
ياباسط السبع الاراضي والجبال إلهـا وتـد=يارافع بليا عمـد.. سبـع السمـوات العـلا
يامنشي السحب الثقال اللي بها برق ورعـد=يامنبت من الارض خيرات العبادمـن الكـلا
ولايضرك من حمد..ولايضـرك مـن جحـد=فالاخره تبدي لـك الاعمـال وانـت الأعـدلا
أسألـك ياقهـار ياجبـار يـاواحـد احــد=ياللي تجيب لدعوة المظلـوم يـارب المـلا
تفرج لنا الهم الـذي بيـن الحنايـا إستبـد=بين الحنايـا بالهمـوم الكايـده قلبـي مـلا
ثلاث ابا أرسلها لكم..ياليت لي منهـا مَـرَد=يمكن تلاقـي مستمع..ولامطنـش واشكـلا
الأوله يم الوزير اللي علـى العلـم اعتمـد=ياللي على العلم اعتمد..بسألك عدت أسئـلا
وش ذنبها أمٍ تنوح وتبكـي ضيـاع الولـد=وش ذنبها زوجه على الوجنه دموعٍ ترسلا؟؟!
وانته تعرف ان البطاله داء في هـذا البلـد=وانته تعرف ان المصايب جات من هذا البلا
أرجو إجابة مامضى..(والبتْ في هذا الصدد)=أرجـو إجابـه شافيـه ياعمنـا ,,ولا فـلا
والثانيه خريج ياللي ذقت من كـاس النكـد=ياللي على ضيم الدهر..ضاقت وسيعات الخلا
الله يفرجهـا لنـا ونـذوق كيسـان الشهـد=ونذوق كيسان الشهد..من بعد شرب الحنظلا
والثالثه يالمشرفين.. اللي صدر واللـي ورد=مابين تقليع الضـروس اووردةٍ للـي جـلا
أرجو بجعـل المنتـدى(رأيٌ ورأيٌ منتقـد)=من دون حـذفٍ للمواضيـع المهمـه للمـلا
والخاتمه..للي قرا انـت الحكـم والمعتمـد=وانته تفرق بينهـا ياهـي حَـدَج ولا حـلا [/poem]
أرجوا أن تنال هذه المتواضعه استحسان الجميع
عاطر تحاياي