السلام عليكم ورحمة الله وبركاته ......مساكم الله بالخير جميعا .
أضع بين إيديكم قصيدة مجاراة متواضعة لقصيدة داهية الشعر إبن جدلان ....وأتمنى أن تحوز على بعض من رضاكم .
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عيت حروف القصايد في عيوني لا تشيب=كل ماطابت هجوسي جاها علم و نشّها
ماصويب إلا الذي من دورة الدنيا صويب=إللي لا طارت حلومه ولا قعدت في عشّها
ضاع وقته بين صابت أو عساها ما تخيب =لا خذا من الشام عذق(ن) واليمن ما دشّها
ويالبيب العقل ياللي مامثل عقلك لبيب=الوصل غصون رحمة والهجر محشّها
والخطا لا صار جالك من رفيق لك قريب=فلا تدقق ياالسنافي في الخطايا ومشّها
ماخلق في الناس كامل كل شخص وفيه عيب=والنوايا الله أعلم عن صفاها وغشّها
وأنت لو جالك تخير في الرفيق وفي الصحيب =فأختر أحرار نوادر والزلايب طشّها
أختر إللي لأستشاطت صامل ورأيه صليب=وأترك رخوم عرقها في اللزوم يبشّها
الشياة لها خوار والذياب لها قنيب=وأنت فطنٍ وتعرف سرحانها من كبشّها
أبعد الله دار رجل في اللوازم ماينيب =شغلته يآكل وكفه في الجدار يمشّها
جعل أبيه الشين وأمه جعلها ماتجيب صيب=ودار يحل بثراها جعل يقطع رشّها[/poem]
وسلامتكم
محمدالعرجاني