هذه.. قصيده كتبتها بعد موقف صار لي وان شاء الله تحوز على رضاكم
[poem=font="Arial,6,green,bold,normal" bkcolor="green" bkimage="backgrounds/8.gif" border="inset,2,seagreen" type=1 line=1 align=center use=sp num="0,black"]
وش ذنبي اللي بالحيـاة إرتكبتـه ؟
=وش ديني اللي للزمن ما وفيتـه ؟
أعطي زماني مطلبه ، مـا طلبتـه
=لاقال: هاتي ، قلت : سّم وعطيتـه
زرعت لي في عالم الحـب نبتـه
=واللي زرعته للأسـف مـا جنيتـه
وكاس السراب اللي ظميت وشربته
=سراب! لكن غصب عنـي رويتـه
ولا قد شكى قلبـي عذابـه وكبتـه
=وهمي يموت بداخلـي مـا حكيتـه
طبعي كذا مـا هـوب دور لعبتـه
=والطيّب شيّد داخـل الـروح بيتـه
وفاي من طبـع (العمـام) إكتسبتـه
=وطبع السماحه من (خوالي) خذيته
وسلمي على لوح الضمايـر كتبتـه
=لاضاقـت الدنيـا عليّـه قريـتـه
ومستقبلـي قـدّام عينـي نصبتـه
=والماضي اللي فات خلفـي رميتـه
والكره من دفتـر حياتـي شطبتـه
=وحكمة زماني (من شراني شريته)
من لا بغاني ، عفتـه ولا رغبتـه
=ومن لا يقدّرنـي بعـد مـا بغيتـه
واللي شراني ، كل غالـي وهبتـه
=لو هو على درب المهاليـك جيتـه
واللي حربني في سكوتـي حربتـه
=يموت في غيضه وأنا مـا شكيتـه
هذا الكلام اللـي طرالـي وجبتـه
=شي قليـل ويـا كثـر مـا نسيتـه
ومدري ! تعبني الوقت ولاّ تعبته ؟
=بس الأكيد إن قال : هاتي ، عطيته
وسلامتكم[/poem]