[poem=font="Simplified Arabic,5,white,bold,normal" bkcolor="transparent" bkimage="backgrounds/28.gif" border="double,8,blue" type=0 line=0 align=center use=ex num="0,black"]
الا ياالله اني طا لبك يا رفيع الشان = تزيل الهموم وترحم الشان والحالي
تعذبت في دنياي يارب يارحمان = دخيلك وعفوك وأنت روّاف يا والي
بعض العرب يخطي يحسبنّه السلطان = وهو ما درا أنّه نذل من غب لنذالي
بعض البيت أطنابها تخدع الأركان = وانكان طاح الركن لا ترقب الجالي
وبعض الشجر يثمر وفيه الثمر مازان = والقاع طيّب يشرب العذب والحالي
الله فرق والناس فيها خوي الجان = نوّاب عند أبليس بيجر وجوالي
والسم فيها مايجي حوله الثعبان = مجالس كدر والخير ما هل بهلالي
الماكر الكذ ّاب والحاير الزعلان = صفات الغشيم اللي تلوى بالغلالي
الله ولاخوّه هل الزور والبهتان = مثل الشريف اللي قطع يد محتالي
لاجيت أسولف وسط دار ٍبلا عنوان =هواجيس صدري مالها قياد وحبالي
أقدر وسيع المعرفه والحصان أحصان =ولاهين نفسي عند حلّي وترحالي
راح الزناتي وبن غانم وبن هدلان = شيوخٍ تماري بالبطل وسط لبطالي
وبن هادي محمد مع سيف ابن حيّان =عريب الجدود اللي ختم قوله أفعالي
ونا عارفٍ مافيه نارٍ بلا دخان =والحر ينزع نزعته رجف زلزالي
والبوم بومٍ يعشق امهدم الجدران = ولو تسكنه فلّه رجع مثل لمثالي
الا ياطيور العرش الله عطى الجنحان =والطير مهما طار لا بد منزالي
عرفت الكريم اللي مع الناس ما ينهان = بعيد الهقاوي رافع الراس متعالي
عرفت الخسيس اللي عيونه كما الجرذان = ضعيف الهقاوي مكتسب طول لذيالي
صديقي صدوق القول والفعل والوجدان = قولٍ قديمٍ يعرفه جيل وجيالي
دروب الحياة اتعلم التايه الغلطان = قليل التجارب مابعد شاف لهوالي
دنيا دنّيه صاخبه كلّها وضعان = ونحمد الله مابعد طاح تسمالي
الله عضيدي في حياتي ونا رضيان = ومن عاش فيها ماخذا غير غربالي
وصلاة رب للنبي من ضنى عدنان = عد النجوم وعد ماهل بهلالي
بن حيان
[/poem]
رد مع اقتباس
