أخواني وخواتي اسرة منتديات عرابيل يشرفني ان انقل لكم هذه القصيده الراقيه لشاعرنا الكبير الأخ محمد السليل والمنشورة في جريدة الجزيرة صفحة مدارات شعبيه هذا اليوم السبت الموافق12/1/1427هـ0
إليكم القصيدة كما نشرت
لا تعتذر
[poem=font="Simplified Arabic,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="1,darkblue"]
لا تعتذر مالك بقلبي مكانه =حل الفراق ولا بقالك معاذير
قلبي سمح ياللي تخون الامانه =ولا عاد لك قيمه ومنزل وتقدير
صدمتني ساعة كشفت الخيانه =وقدام عيني صرت في موقف صغير
ما دام عيني هي دليل الادانه =ما ظن لك عذر يسامح وتكفير
وشلون خنت اللي حواك بحنانه =وأهداك عمره والسهر والتعابير
أعطاك حبه والوفا والميانه =من غير منه ما عطالك وتقصير
روحي بلا تجريح مني وانهانه =ولا بد ما تلقين جرحك مع الغير
يشوم عن طاريك حتى لسانه =ويشوم عنك الفكر قبل التفاكير
حبك خطا عمره وغلطة زمانه =ما راح يغفرها مع الوقت تبرير
منتي بكفو اللي وهبالك كيانه =يا فاقده للحس والصدق والخير
لكن غدرك ما كسر عنفوانه =ثابت ثبات الضلع بين الاعاصير
كل على أصله وطبعه رهانه =وأنا عزيز القدر بين المناعير
لابد ما لقى فالغنادير دانه =تملا عيوني عن جميع الغنادير [/poem]
محمد السليس