[align=center]السلام عليكم ورحمة الله وبركاته
هذه قصيده من اخوي الشاعر نياف العتيبي
وجهها لي مع اثنين من شعراء الغرابيل المبدعين
يقول نيااااااااااف[/align]
[poem=font="Simplified Arabic,5,blue,normal,italic" bkcolor="transparent" bkimage="" border="none,4,gray" type=1 line=1 align=center use=ex num="0,black"]
تعبت من صبري ومن طولة البـال=ولاني على صبري والاشواق قاوي
تلعب بي الدنيا علـى كـل منـوال=عزالله أني طحت بأمـر ٍ سمـاوي
اقولها من واهج ٍ يشعـل إشعـال=خـلا معاليـق الضمايـر شـلاوي
ياليت أبوعزام يدري عـن الحـال=مع فايز البـذال وأبـن العطـاوي
يمكن يجي من لابتي حل الاشكـال=وأمشي على التوجيه حسب الفتاوي
أشكي غلا من صار للحال غربـال=لاشفتها ضاعت جميـع العـزاوي
أبوجديـل ٍ فـوق الارداف ميّـال"=والعنق عنق اللي ترب المطـاوي"
ريمية ٍ تجفل مـن ظلالهـا جفـال=لـو إنهـا ترتـع بتيـه ٍ خـلاوي
حطت لها في ثومة القلـب مدهـال=وأقفت بليا عـذر عيـن النـداوي
خلّت غلاها الفال وأقفايهـا عقـال=وأنا أشهد إن الفال ساس البـلاوي [/poem]
[align=center]وهنا صدى فايز البذال
( متواضعه والله لا ترتقي لهاماتكم وهامة اخوي الكبير نياف العتيبي )[/align]
[poem=font="Simplified Arabic,5,blue,normal,italic" bkcolor="transparent" bkimage="" border="none,4,gray" type=1 line=1 align=center use=ex num="0,black"]
سلام مني ياصل نياف بالحال=ذيب ٍ عرفته بالمراقيب عاوي
ما مال راسه يوم راس الردي مال=ولاهو من اللي مضيعين الهقاوي
لا تشتكي يا نياف من جور محتال=خله على ماهو يبي يجيك ضاوي
الطيب فالك وانت للطيب مدخال=واصويحبك يا نياف لاشك غاوي
خلك مثل شمس الضحى بالسما عال=درب الشقى ياخوك درب الهواوي
إن كان حظك هو خصيمك فلا جدال=عز الله الا ما تفيد الشكاوي
هذا النصيب اللي للحلام مغتال=كم واحد ٍ خلاه حظه شقاوي
إن كان قلبك يرجف ارجاف لازال=خذها من البذال ماهو سلاوي
إن كان ودك فالهنا ( بأربع اخصال )=تلقى بها بعد التوافيق آوي
حسن ونسب معروف والثالث المال=واظفر بذات الدين لاصرت ناوي[/poem]
[align=center]وسلامة قلوبكم جميعاً[/align]
رد مع اقتباس
المشاركة الأصلية كتبت بواسطة فايز آل بذال
