[poem=font="Simplified Arabic,5,white,bold,italic" bkcolor="black" bkimage="" border="none,4,gray" type=0 line=0 align=center use=ex num="0,black"]
بعد ان طلبها اغلب الزملا هذه القصيده جبناها بينكم
بسـم الله الرحـمـن الرحـيـم
السلام عليمكم ورحمة الله وبركاته
وين انت يـاوادي العشّـاق والرقـهّ=بنهـل حـروفٍ جميلـه ماتعاكسنـي
تمشي على حسب تفكيـري وبالدقّـه=كن الشعـر قـال فهمنـي ودرسنـي
وطرقت باب القصيد بنفـس مندقّـه=في ليل بـرده يروعنـي وقارسنـي
للـي غلاتـه وحبـه زايـدٍ حـقّـه=من اخمص الرجل لين الراس تارسني
ممشوقة الطول ذات العـود ممشقّـه=ذات القوام اللذي بالحيـل يهوسنـي
واللي من النـور والبنـور مشتقّـه=مخلوق نادر عن العالـم موسوسنـي
اطرق جماله يشـق الكـون ويشقّـه=والموت حبـه تلبسنـي ولاابسنـي
تفتر فـي داخـل الشريـان وتعقّـه=في وسط دمي يلاعبنـي وحارسنـي
واقول خلوه من كيفـه ومـن حقّـه=يامـر وينهـى واذا وده يفارسنـي
لنه مع القلـب فـي الدقـه وبالدَقّـه=متواجـدٍ وسـط خفاقـي يحمسنـي
ولنه سواليف شعـرٍ فـوق مرتقّـه=من فوق كل البشـر محـدٍ ينافسنـي
كتلة وفـاء والغـلا زايـد ومتنقّـه=لبيـه كلـك وكـلـك ياملامسـنـي
يكفي بأني وسط قلبـه وفـي شقّـه=بين الحنايـا موزعنـي وغارسنـي
ولا سلب عقل ابن عسكـر ولا بقّـه=الا غيابـه واذا عصـب يلاسـنـي
يعني غيابه يخـرش الكبـد ويطقّـه=وتعصيبته غيرته يبغـى يحسسنـي
فيها صفـات البرائـه طفلـه ولُقّـه=بالشعر والطيب امارسهـا تمارسنـي
لاعضة شفاتهـا ثـم قامـت تمقّـه=كنها رضيعٍ يمـق الثـدي باالسنـي
لا شافها الشيخ ابو لحيـه ومتفقّـه=ضاعت اعلومه وقـال الله يحرسنـي
لا ياعبّيـد خـذ الخفـاق قـم هقّـه=قله غيابه تـراه اقشـر وحايسنـي
في غيبته عبرتـي بالحلـق وتزقّـه=والصدر ضيّق على انفاسي وحابسني
ياكبريائـي وكـل النـاس يااانـقّـه=من حبـك الصـادق الله لا يفلسنـي
ياغطرست شاعرٍ قافـه علـى أقّـه=والعجز جابه على شانك على أسنـي
هذا خفوقي معك قم فـز ثـم سقّـه=واسمع شطر بيت ثابـت ويتنفسنـي
اسمـع كلامـي وباالتحديـد والدقّـه=حبك علي بالطـلاق انـه ينومسنـي
وســـلامـــتـــكــــم
الــــــــــــــراوي [/poem]
رد مع اقتباس
المشاركة الأصلية كتبت بواسطة سالم محمد اليامي
