فمان الآه ياحلامـي اشـوف وجيهكـم بالخيـر
انـا يكفينـي القاكـم خيـال وعالـم ٍ فـانـي
لقيت اني مسافة يـاس .. حالـة مالهـا تفسيـر
قتيلة في يدي سكيـن ومـدري منهـو الجانـي
نزيفي ريش متبعثـر جمعتـه وافتكرتـه طيـر
ريـاح الغـدر ورتنـي حقيقـة رايهـا ثانـي
فمان الحب ياحبابي .. ياكـل الشـوق والتفكيـر
ياكل احساسي .. جنوني .. ونبض الروح بالواني
فمان حروفي الثكلى الـى مـن خانهـا التقديـر
فمان الفقد والاحبـاط وقبـرك وسـط شريانـي
فمـان الآه ياجـرح ٍ يشقونـه بـلا تخـديـر
يقهوونه اجاج الملح الـى مـن زارهـم عانـي
فمان الصحبة اللي تطعـن المقفـي بـلا تبريـر
فمان اغبى انتصاراتي على جرحـي وخذلانـي
تعبت من الحكي والله .. تعبت وهدنـي التعبيـر
تعبت اسال وجودي فيك ولـك رغبـة تناسانـي
اخيرا بحزم احساسي وشعري واعـذر التأخيـر
انا مليت من حرثي محيط الياس .. واحزانـي ..