السلام عليكم ورحمة الله وبركاته
إخواني أعضاء منتديات غرابيل ..... تحية طيبة
أهديكم اليوم قصيدة جديدة لي ...... لا أستطيع أن أبوح بما فيها وأترك لكم تفسيرها ... ربما يكون أحد منكم (( غرقان ظامي )) !!!
أتمنى أن تنال إعجابكم ...
[poet font="Simplified Arabic,4,black,normal,normal" bkcolor="transparent" bkimage="backgrounds/17.gif" border="outset,10,darkred" type=2 line=200% align=center use=sp length=0 char="" num="0,black" filter=""]
غرقت بالدنيا ولا شفت أنا الما=ظامي وأنا غرقان ,, وشلون ظامي ؟!!
صحيح مانيب أكثر الناس علما=لكن فعولي ما تخالف كلامـــي
لا صار قلبي من عنا الوقت يدما=وشلون تصبر في المواجع عظامي
المرجلة ما هي مظاهر واسما=مثل الذي خلوه الأصحاب سامي !!
علّوه حتى صار بالمدح نجما=والمشكلة يدرون إنه حرامـــــي
ما يمدحه بالطيب يا كود أعمى=الصاحب اللي قال ,, مدري علامي !!!
الطيب أنزه من دروبه وأسمى=إلا إذا ضاعت معاني الأسامي
يعدنّي في مركب العز خصما=حتى سلامي ,, ما يجاوب سلامي !!
أصدّ عنه ولكن يزيد شتمــــا=و لو هو قدر وكّل لذمي محامي !!
وأزيد في صمتي وبالغم يغمى=والله لأفرض في عدوي احترامي
من عادة المثمر بالأحجار يرمى=والأجدب اللي مات من دون رامي
وكانه خذا من سلة الطيب سهما=أنا يغيظ الطيب كثرة سهامي
وأسدد الأهداف في كل مرمى=حازت مفاهيم الشرف اهتمامي
ما نيب متولع على حب سلمى=ولا عطيت لريم لهفة غرامي
ولا مشيت بدرب تغشاه ظلما=لني اعتبر قلبي رفيع المقامي
ولا أمنّي النفس همِ ووهمـــا=قد قالوا إنّي دوم رجلٍ عصامي
أبقتحم وأرسم على الوقت رسما=رسمة توضّح كيف وضع اقتحامي
وأحط لي في ظهر الأنذال وسما=وأهدي محبين الحقيقة وسامي
والواقع اللي كان قبل أمس حلما=أنا أشهد إني اليوم شفته أمامي
عامي مضى شفقان في رشفة الما=وضيعت قبل العام ,, عشرين عامي
واللي فهم وشلون غرقان واظما=قولوا له إنه صار (( غرقان ظامي ))
[/poet]