[align=center]
اهداء خاص
لعصابة راسي .. وأهلي وناسي
نطرحها هنا طمعاً في التواصل معكم
.
[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
فز يافوّاز وصّلني المطار = ودي آخذ عند ربعـــــــي كم يوم
شغّل الموتر والى من صار حار = شيّكه .. مايطرب ان صار محروم
وحط غرضاني على السيت اليسار = من خلافك .. تحت علاّق الهدوم
ون وصلنا عند صالة الانتظار = قبل لاطير ( الكويتيّه ) يقوم
قص تذكرتي وكرسيّي جوار = شيخ ولاّ آمير ولاّ راس قوم
في بطن ( بوينغ ) ترسى فالغبار = وعن هبوب البرد تذريها الغيوم
كن هواها من مراوحها اعصار = في مكاينها من (الثوره) علوم
ماتحاتي الليل وأطراف النهار = تنتغر منها الكواكب والنجوم
مايقطّع عزمها طول المدار = وماتجفّلها لواهيب السّموم
كابتنهــــــــا لايشاف ولايزار = والمساعد من حشيمته محشوم
قابض المقود .. معيّرها عيار = عين للعـــــــــداد واخرى للرسوم
مايغّــــــط ازرار ويخلّي ازرار = لين ترضخله وفي طوعه تروم
لاظهر من تحت تايرها شرار = فوق خـــــــطٍ ماتزفلت للعموم
واظهرت لمبات اطفاء الزقار = واقلعت يالله عسى نوصل سلوم
وحط مقْدمها على خط المسار = ياعسى عمره على الطاعه يدوم
كنّها طيرٍ خذا قسمه وطار = له على المسراح والمسرى عزوم
واستوت واستعدلت قالوا عمار = يامورّدها جعل ماانت مْهموم
عقب ساعه يعلن الكبتن قرار = ناصي الظهران اصحى لاتنوم
وتهبط في ديرة طوال العمار = ( آل توّاه ) الصناديد القروم
لابتي ويحق ليّ الافتخــــار = دام بيرقها على روس الحزوم
يوم كانــــت انتصار وانكسار = الرجــــال رجال والذله رخوم
لالتقى الجمعين والدّخان ثار = والنتيجه بين هازم وامهزوم
الحرار اللي تسلسل من حرار = مايجـــون الاّ يســـدّون اللزوم
فعلهم يطرب .. ميتّمة الصغار = دون عرض وأرض مافيهم رحوم
مايحطون الهنادي في الجفار = والعـــــــدو ماهو معقّل ومخزوم
لــ / ستشاش اللي ملا راسه شنار = مايفـــر ولايصــــد ولايحــــــــوم
لادعى الحمرا وسرّجها وغار = ماعقب هجمته في الوقعه هجوم
أكرم من الجود .. منه الطيب غار = في العطا يمناه تشري ماتسوم
مايقلّـط ضيفـه الاّ والفقـــــــار = حقّه وقدره وسلم امن السّلوم
فالمواجيب الصّغار وفي الكبار = عند وجهك ماعلى شرواه لوم
فز يافـــواز وأصلني المطــــار = شاقني شوف الصناديد القروم[/poem]
.
فهــــــــــد بن عبدان[/align]
رد مع اقتباس
