[align=center]
يا عذابي
تْـوصي شي..!
أنا.. ماشي
يا عذابي
قم ..توادع
من عيوني
وادن
عالفرقا..
ثيابي
***
يالله أنا مسافر توصي على شي
مع السلامة آشوف وجهك على خير
***
مع السلامة
يا حبيبي
لين أعود
بالسلامة
وان كان ما عاد التقينا ..
على خير إنتقابل
أنا وياك
يوم القيامة
***
راح
اخلي مْعاك قلبي
أنا ( مـ..أتحمل )
وداعه
وما أوصيك أنت فيه
والله الله
فالوداعة
***
دنيتي..
كفت ووفت
أرخت أرخت
سقف همي
فوق نبضي المبعثر
في حنايا وادي صدري
وأخذت أفراحي
وقفت
إتركتني قلب جاثم
مقفر .. إلا من جروحي
النازفة من عمق روحي
وزفره تتسلق ضلوعي
وحظ سيئ
فيني استأثم
وآثم
***
بدونك كانت الرحلة طويلة
بدونك جيـت وحدي ورحت وحدي
بدونك ما بقالي أي حـيـلـه
حفـــرت القبر بيدي وجبت لحدي
شعر .. أحمد العياف[/align]