السلام عليكم واعذب التحايا لأعضاء وقراء غرابيل ..
كل عام والجميع بخير واعتذر عن التأخير في تقديم المباركه
لإنقطاعي عن النت لأسبباب السفر فالكل هنا اخوان وزملاء أعزاء
يهمني ويشرفني أن أتواصل معهم بإستمرار .. واسمحوا لي بهذه القصيده
المتواضعه على أمل ان تلقى بعضاً من استحسانكم :
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,darkblue" type=2 line=0 align=center use=sp num="0,black"]
أنا جيت للكورنيش من ضيقةٍ في البال=وإثر ضيقتي زادت عسى الله يفرّجها
ألا يالسويدي ويش علمٍ لفاني الحال؟=حَرَث جمرةٍ كنت أحسبه مات واهجها
توصّفت وصفٍ بيّن الدار والمنزال=وأنا خابرٍ من قبل حروة مدارجها
سمعنا وكظمنا غيظنا ياعريب الخال=و لا ودّنا بعض المخاليق نحرجها
تطمَّن وسرّك بير في الحلّ والترحال=و من يتقي الزلات يآمن نتايجها
و من عادتي ما اهتز من رعشة الخلخال=و لو يحترك بركوك ترسي بوارجها
و لا باقيٍ لي حيلةٍ لا بغيت أحتال=ياكود المثايل بالطواريق أهرّجها
أنا من مقيظ العام يا طيبين الفال=تعلّقت في من خافي الروح يدرجها
خذينا على لحن المودَّه لنا موال=و سار القدم في ظل رمشه و داعجها
على نيّتي وإثره بكيل الغدر يكتال=و نفسه بليس عْوير بالشين كارجها
تلاشت و شانت نيته بين قيل وقال=رطين العجم بحروف نجهل مخارجها
تناسيت وأنكرت المواثيق يا حيَّال=و قوم الوفا والطيب ما الله بمحوجها
ترى عِشرةٍ بالدسّ ما تنشرى بريال=و نفسٍ دنيَّه كل مذهب يخارجها
و من يلعب الحبلين ما له معي مدخال=يدوّر دروب الرّخص والنقص يسهجها
سمحنا وشمنا يوم شفنا الدعاوي طوال=دعاوٍ تلوَّت وألتوت في مناهجها
وأنا مع هَلَ القبله ترى صار لي مدهال=لقينا طبيبٍ للجريحه يعالجها
حلا حلو واحلى من عسل صافيٍ ينهال=حَيَا يحيي قلوب المواليف و يبهجها
وهو مكسبي من جملة الغيد وراس المال=حروفه بسلك الشوق في القلب ينسجها[/poem]
رد مع اقتباس
