هذه القصيده للشاعر خالد الكـسر رحمه الله
[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
الله مـن قلـبٍ نهيتـه ولا طــاع=يلعب به الهاجوس لعـب المنازيـع
متحيرٍ بامره غـدى شملـه امـزاع=صبرٍ جميل ويرجع القلـب ويطيـع
اقفى تتله خاضبت روس الاصباع=ام الثمـان الضيـقـات اللوامـيـع
خلي من الخفرات ماهيـب مهبـاع=ولا هي من السرد الطوال النعانيـع
وقرونها من فوق الامتـان شـراع=مثل العسب فـوق الودايـا مهانيـع
بطن العسيف مجاذبت طول الابواع=ركابهـا دايـم يتـل المصـاريـع
ما شذبت بالزود طـراف الاكـواع=لا صكن العيرات تسبق على الريـع
لا شفت زوله يوجف القلب مرتـاع=لو ما حصل لي من قبالـه منافيـع
عيوابهـا عنـي قليليـن الاسنـاع=اسباب ساس البغض ماهم طماميـع
ادعي عليهم والدعا حـذف مقـلاع=وادعو معي عسى تصيـب المقاليـع
ارجي عساهم من الروس الاشعـاع=ذريـة مـن محكمـات المصانيـع
دخانها مثل القبيسـي اليـا انـداع=تاخذ على طرافهـم بضـع اسابيـع
تلقـا الاوادم هاجميـن وصــراع=بس الجماجـم كالزبيـدي مصاليـع
والا عساهـم مزنـة نوهـا مـاع=من مزنة ينـزل بردهـا صواميـع
عديمة ما ضاح بـه شـوف لمـاع=يسوقها الغربـي وشرقـي روابيـع
ينكر هواه ومزنها يضـرب القـاع=ترمي عليكم كبـر روس المرابيـع
يسج فيهـا القلـب منهـم ويرتـاع=منها تضيـع افكارهـم والمراميـع
يعذر بغالـي سلعتـه كـل طمـاع=وتذهل عن المرضع قلوب المواضيع
تأخذ ثلاث اسبوع والمـزن مامـاع=والسيل حايـر مـا لقالـه مطاليـع
واليا غدو مثل الطفل والنسم ضـاع=يفتـح لهـم بالقـاع درب وبواليـع
هفت غريق الموج من غير مرجاع=من فوقهم سبع الاراضي شواميـع
تضرب بهم صف على كل الاسواع=وتشهر بهم كل المحطـات وتذيـع [/poem]