[poem=font="Arial,6,red,bold,italic" bkcolor="transparent" bkimage="backgrounds/28.gif" border="groove,5,red" type=1 line=0 align=center use=ex num="0,black"]
هذا حبيبي يطلب الشعر منّي = يقول اكتب في الزيارة لخيره
قلت الشعر والوصف ذوقي وفنّي =ياما كتبنا في قليل وكثيره
مادام قلبك يالريش العين حنّي = اطلب تدلل والمشاعر غزيره
شعري ترى ماجابه انسٍ وجنّي= ماجابه الا شوق فايح عبيره
كل المشاعر والغلا افضحنّي = الشاعر اللي فرحته في ضميره
جيتك ونا ماظن غيرك ظمنّي= ابيك تجبر خاطري والكسيره
مشكور ثم مشكور ياللي حمنّي = رحلة سعيدة والليالي سفيره
دخلت بيتك والفرح ماخذنّي= وارقب متى يلقى فؤادي خشيره
من دخلتك يانور عيني كسنّي = بعض الوله والنظرة اللي خبيره
رمشك وفمك والجدايل فتنّي= وخليت عيني ياحبيبي سهيره
وقدّك على شفّي وكيفي وظنّي = ماظن بالقى لو ادور نظيره
وخدّك سرق قلبي ونورك سبنّي = مافيه مثلك في حدود الجزيره
والله لولا ظرفي اللي حدنّي = حتى الاجازة ياحبيبي قصيره
ماكان قلبي بالسفر طاوعنّي = مسكين ياقلبٍ يفارق عشيره
وسلامتكم ..
اخوكم / بن حيان[/poem]