مرحباً ..
العاده بعد صلاة الجمعه الواحد مننا يروح يتصفح له كم جريدة ولا يروح واحد من صوالين الحلاقه
عشان ينعم ، خصوصا وبكره السبت
المهم !
العاده الصوالين الفخمه زي اللي يرتادها البعض يكون بين كل كرسي والثاني ( بارتشن ) قاطع
أو حاجز
بس اللي يروح لها الفقير لها ، مافيه الكلام هذا والشغل مفتوح بحري
لله الحمد مو الناس اللي يتنصت بس أخونا في الله كان شويه صوته زي الامبليفاير والناس كلها تسمع
جاء صاحبنا وأول ما جلس على الكرسي بدأ في التأفف قال له الحلاق / اش فيه ؟
قال ولا شي بس طفشان وأستطرد أخونا في الله حكاويه اليوميه
ومنها ماجاء على مسامعنا التالي /
والله طفشت وتخانقت أنا والمعزبه ووديتها عند أهلها (1)
والبارح كنت سهران ما رجعت الا الفجر(2)
بسافر الشهر هذا برا المملكه (3 )
قبل يومين رحت شريت ملابس وجنزات جديده (4)
ياخي تصدق عندنا العمل حوسه في الامن العام ومره تفتيشات وقلق (5)
....................الخ
_______________________________
اللي أبي أقوله اخواني الكرام ، ترى صاحب الصالون يبي يخلص شغله وياخذ اجرته ويشوف له زبون ثاني
ماهو فاضي لك ولا لمشاكلك الخاصه . لا وكمان تبيه يحل مشكلة عملك اللي المفروض انك تكون حريص
انوا اللي في المكتب يبقى في المكتب .
الشي الثاني / ياترى انت مالقيت تفضفض الا للحلاق ؟ ولا ما تاخذ راحتك الا ونته تنثر همومك وتلاقي واحد يسمع لك .
الشي الثالث والاهم / شغلاتك الخاصه مو لازم كل الناس تسمعها ، يعني الحلاق مش حيقدم ولا يأخر
لو سمعك من هنا الى يوم الدين .
ماسبق أعلاه ، وجهة نظر