اقلط اقلط يازعم للدفاع وللهجوم=وان زهمتك لاتقل هاه كلٍ قال هاه

[حسين الحارثي]

فيصل بن بدر

والله اني كنت احسبك مع ابو جسار

لكن حظه زين عودت اقطع المحاوره اثريه لحاله ههههههههههه


الف شكر لك ولمرورك العطر ومتابعتك الاولى

لاهنت

[حسين الحارثي]

[poem=font="Simplified Arabic,4,blue,bold,normal" bkcolor="transparent" bkimage="" border="double,4,gray" type=0 line=1 align=center use=sp num="0,black"]
حسين الحارثي
ياغرابيـل الادب والثقافـه والعلـوم=افرحي واستبشري وافهمي من قال آه

اقلط اقلط يازعـم للدفـاع وللهجـوم=وان زهمتك لاتقل هاه كلٍ قـال هـاه

زعم الغنامي
ياغرابيلٍ على اللي من الخير محـروم=الحسيكي يرفع الصوت مدري وش وراه

اللوازم قدمها اللـي يسـدون اللـزوم=والحمى في ذمة اللي تحيـزم واحتمـاه

حسين الحارثي
كلما قلنا وصلنا بالافكـار النجـوم=حول الراقي من الضلع لاعاين سماه

كل واحد صار تاجر على كيفه يسوم=وان عطينا السوم كلٍ زحف عنا وراه

زعم الغنامي
يامنقدت العلوم ومفسرة الحلـوم=المنادي مالنا الا نجاوب له نـداه

من يبيع ويشتري لايلام ولايلـوم=واكثر اللي يشتري مايميز مشتراه

حسين الحارثي
يازعم نفوسنا حولة روس الخشـوم=واكثر العربان مايعرف اشروط الصلاه

فرق مابين الحجاز وجباله والجمـوم=لارحم منهو يدربي على السكه حصاه

زعم الغنامي
ياحسين الحر دايم عـن الهزلـه يشـوم=وانت من روس الطحاطيح ماتبغـا وصـاه

ان بغيت افطر معك وان بغيت اصوم اصوم=وان بغيت اسبح بك البحر فكـر فالنجـاه

حسين الحارثي
ماعليكم زود قرمٍ مقابل لـه قـروم =والزمن مُره يضيعك من لذت حـلاه

العراق اليا نظرنا غدا احزاب وقسوم =والسبب صدام والطاغيه يلقى طغـاه

زعم الغنامي
جعل قسمك ياعميلي من خيار القسوم=الرجل وقت الشدايد يبيـن مستـواه

مايدوم الا الله وغير وجهه مايـدوم=احتسب والجرح لابـد مايلقـى دواه

حسين الحارثي
احمد الله فالبر امشي وفالغبات اعـوم =والّدعي لن كان قابلت لي قاضي قضاه

الصقور انواع لو شفتها فالجو تحـوم =كم صقر سمي صقر والفعل فعل الحداه

زعم الغنامي
والنعم مالاحقك شك يالقلب الجـزوم=مير ضيفك لاتعشيه ثم تاكل عشـاه

من تعشى ثوم يفطر على فصين ثوم=ومن رقد في مرقده ماتلحفه العبـاه

حسين الحارثي
كان ضيفي ماشبع قل مكـان لاتقـوم=والله لاذبح حاشي الحين وانادي عزاه

ياعتيبه ياقحاطيـن ياسبيـع وبقـوم=ياقبايل كلكم حبكم قلبـي حـواه[/poem]

[أمل عبدالعزيز]

,
,
,
,
,

الله عليكم وبس
والله قريت المحاورة من أول حرف لآخر حرف
وكانت من أروع المحاورات ألي مرت بالصورة هذي!!

صح لسانك وقلبك ياحسين أنت وزعم
وبصراحة لو أنا كمنت مووجودة البارحة ماكان عني وعن صفك ياحسين ولايهون زعمووووه هههههههههههههههه

بس المشكلة المفروض تكون الخاتمة عند زعم بس شكله مصخن والصخونة جابت مفعولهاااااااا بقوووووووووة


حسين

عندك بيت وربي أنه عن مية قصيدة/


الصقور انواع لو شفتها فالجو تحـوم
كم صقر سمي صقر والفعل فعل الحداه!


الصقور انواع لو شفتها فالجو تحـوم
كم صقر سمي صقر والفعل فعل الحداه!



الصقور انواع لو شفتها فالجو تحـوم
كم صقر سمي صقر والفعل فعل الحداه!



الصقور انواع لو شفتها فالجو تحـوم
كم صقر سمي صقر والفعل فعل الحداه!



الصقور انواع لو شفتها فالجو تحـوم
كم صقر سمي صقر والفعل فعل الحداه!



أنشهد أنك صقر لاشك....

[حسين الحارثي]

الغاليه

امل عبدالعزيز

هلا وغلا

والله انك راعية فزعه ووزعه يابنت الرجال

يكفي مرورك من هنا

واطراءك واشادتك

بالمحاوره

وهذا من طيبك

لاعدمتك ولاعدمت وجودك هنا

اخوك