ياصاحبي لاعاد تنشد عن سبب بغض القلـوب ***الناس فـي هذاالزمـن كـل مضيـع طاستـه!
كـل يدورمصلحـة نفسـه ولوكـان مغلـوب*** يبي السعاده مـادرى انـه يشتـري تعاستـه!
المال غيرثوب ناس وراح لبـس نـاس ثـوب*** غير تضاريس الطبايـع مـن سبـب سياستـه
بالوقت هـذا مايعيـش الا المنافـق والكـذوب***وراع البلاسـه تدفعـه يـم الـردى طفاستـه
كل المصايب من سبب كثرالخطايـا والذنـوب***والنجـس فـي قلبـه تبيـن للبشـر نجاستـه
صارت مفاهيم الخيانه شئ عـادي ومحسـوب***والشـك وارد والحريـص تضيعـه حراستـه
كـل السلـوم اللـي تعلمنـا تقفتهـا الهبـوب***ماضي جميل وجت سلوم بهالزمـان وحاستـه
الله واكبر يازمان فـات فـي عهـد الشعـوب***كان الولد يتعب شبابـه فـي سبيـل فراستـه
كانت شقا!كانت جهل! كانت صراعات وحروب***لكن بعد كانت نوايا الرجـل اسـاس دراستـه
كان الكرم -والطيب -وركاب المراجل ماتتوب***تحفي قدمه اوالطريـق اللـي تعشقـه داستـه
واليوم نمشي في دروب غيرعن كـل الـدروب***كل يدور في حياتـه عـن سبـب وناستـه!!
هذازمان كـل زينـه شيـن وعيوبـه عيـوب***الطفـل مايقدريـحـل الـواجـب بكراسـتـه
وشلون تنشد عادعن سود النوايـا والقلـوب؟!! برق تخيله جـوا يشيلـون الضمـاء عساستـه