السلام عليكم ورحمة الله وبركاته
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جيت بعد الغيبة تحطم فؤادي= يا سحاب الصيف ريقي ما تبله
وردٍ أحمر كان من بين الأيادي=مات ظامي في فيافي مضمحلة
لا تنادي يا منادي لا تنادي=ماتت ورود المحبة منك لله
إنت اللي تنتظر لحظة بعادي=والهجر سيفه على شوفي تسله
قلبك الأبيض تغشاه السوادي= يا مدور للهجر بأسباب زلة
قلت لي (مابيك)وتحطم فؤادي=كلمتك خلت فؤادي فوق مله
ليلةٍ صعبة يغطيها السوادي=صرت أفكر قلبي المجروح من له
شي عادي بس ما هو شي عادي=لين قلبي بالورق يلقى محله
دون صوت آقولها كني بوادي=قلتها وأسمع صداها ما وصله
شامخة معتزة وكلي عنادي=روح .. روح .. الدرب قدامك تدله
وإنت يا من زدت بالعين السهادي=وقلبك من الانتظار اليوم مله
حلمنا اللي يصرخ ولبس الحدادي=ليه تنهي حلمنا بأسباب زلة
أرضى بالحب يتوفى بالمهادي=قبل لا يكبر .. يموت ولا تذله
أخسرك ..لكّن لالا للتمادي=ما تمادى لو خسرت الكون كله
عايشة في وحدتي في جو هادي=الأماني كيف والأحلام دلة
عايشة من دون أم وأمر عادي=لو عيوني تذرف الدمع وتهله
وإنت روح أرجوك يا محطم فؤادي=من عقد حبلك على قلبي يحله[/poem]
ولكم فائق التحايا .