أعزائي زوار هذا الصرح الأدبي الشامخ ..... ( غرابيل )
السلام عليكم ورحمة الله وبركاته
يسرني أن أزف لكم بشرى عودة محاورات الاسبوع والتي تأتيكم بثوبها الجديد ( رباعية )
ومحاورة هذه الليلية بين أربعة شعراء مميزين ومبدعين هم :
(سعود عبدالله + زعم الغنامي )
مع
( فايز الشدادي + حسين الحارثي )
وكما جرت العادة في مثل هذه المحاورات فكل شاعر من كل فريق يقول بيت واحد ثم يأتي زميله ويقول البيت الثاني
ويعدها يأتي دور الفريق الآخر بالرد ، كل شاعر يقول بيت
وقبل بداية المحاورة بخمس دقائق سوف اقوم إن شاء الله بكتابة بيت يحدد طاروق المحاورة
<<<< صارت مشرفة محاورة ولقتها فرصة
نايفة
[line]
[line]
[line]
[poem=font="Times New Roman,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جينا سوى في الليلة الموعودة جينا ندور للقصيد الضافي =يا الأربعة كلٍ يشب زناده ما دامنا في الليلة الموعودة
[/poem]
البداية عند زعم من غير قصور في الباقين
أضغط هنا لسماع اللحن بصوت الشاعر حمد الشدادي
تحميـــــــل
نايفة شمر :
جينا سوى في الليلة الموعودة جينا ندور للقصيد الضافي
يا الأربعة كلٍ يشب زناده مـا دامنـا فـي الليلـة الموعـودة
الشاعر زعم الغنامي :
مثل الخيال اللي تغشّا السوده سلام رديه علـى العرافـي
دوّا على راس الجبل رعاده امن الخيال اللي تغشّا السوده
الشاعر سعود عبد الله :
نبي نحل العقده المعقوده نوفي على سلم الرجال ونافي
قالوا ترى سد الشفا نقاده ياللي عقدت العقده المعقوده
الشاعر فايز الشدادي :
مثل البخور اللي تطابخ عوده يامرحبا ياللي بدعت القافي
اهلا هلا يامرحبا وزياده مثل البخور اللي تطابخ عوده
الشاعر حسين الحارثي :
ياسعود قود العلم بالله قوده.وابشر بمنهو يطرح الاهدافي
كلٍ وعينه واصبعه وازناده.ياسعود قود العلم بالله قـوده
الشاعر زعم الغنامي :
عداد ماهب النسيم ونوده دام البقى يامعمّـر القذافـي
ياقايدٍ منته بضمن القاده هجرس ليا هب النسيم ونوده
الشاعر سعود عبدالله
العلم بيّن مصدره وشهوده والا انت سالم ماعليك خلافي
شعيل يرغي باركن بشداده والعلم بين مصدره وشهوده
الشاعر فايز الشدادي :
عن جيش صدام وفعول جنوده هات الخبر يامحمد الصحافي
هرجه كثير وليت هرجه فاده عن جيش صدام وفعول جنوده
الشاعر حسين الحارثي :
خفف حموله ثم فك اقيوده.يمكن قعود وله حمول اخفافـي
وان كان عجز يشيلها وش عاده. زود حموله ثم رد قيوده
الشاعر زعم الغنامي :
غطى على عج الرمك باروده.مهيب شرهة لحية الحوافي
علم بها حظرة حسين وناده غطى على عج الرمك باروده
الشاعر سعود عبد الله :
شعيل لو نابه يعض بدوده يسقيه من عد الروى الغرافـي
والله ضمن له فالبسيطه زاده حتيش لو عض البعير بدوده
الشاعر فايز الشدادي :
سقنا البعير وحملته مشدوده مع جرهد فيه الهلاك يشافي
بندرَجه حتى يطيح قراده سقنا البعير وحملته مشـدوده
الشاعر حسين الحارثي :
ماهي على لحم البَعض محدوده+سنونه اللي كنها الاسيافي
لكن تراها عندكم معتاده+.لو كان ماهي للبعض محـدوده
الشاعر زعم الغنامي :
الطيب اللي مايبيح سدوده ياللي زرعتوا شجرة الصفصافي
النوم عن بعض الكلام عباده والطيب اللي مايبيح سـدوده
الشاعر سعود عبد الله :
سداح يوم انه بذل مجهوده حطوه في وقت الهدد علّافـي
يا شين حظ اللي يشيل مهاده وش عاد لو انه بذل مجهوده
الشاعر فايز الشدادي :
الطيب اللي مع سلوم جدوده ياللي خذيتوا خيمة المصطافي
ارقد ونومك خابرينه عاده الطيب اللي مع سلـوم جـدوده
الشاعر حسين الحارثي :
سداح حر وهيبته موجوده+حول على صيده وكلٍ شافـي
واليا بغيت الصدق صيده باده+سداح حر وهيبته موجوده
الشاعر زعم الغنامي :
للسيل ياضلع الهدا وقروده ياللي ربوعك مايجيها السافي
فايز نعرفه ماجهلنا امجاده للسيل ياضلع الهدا وقـروده
الشاعر سعود عبد الله :
العقد يوم انك قريت بنوده قدمت في سد السمان عجافي
ياللي تسوا الكيف حط قناده والعقد دقق في جميع بنوده
الشاعر فايز الشدادي :
فايز تعرفه ما وصلت حدوده وان جاء اللقاء عرضته الاكتافي
تاصلك قبل انك تجيه جياده فايز تعرفه ما وصلـت حـدوده
الشاعر حسين الحارثي :
منهو يخبص ياسعود انقوده+لابد مايغلط بها الصرافي
علم بها اللي للذهب عداده+لحدٍ يخبص ياسعود انقوده