[align=center]صباح الخير
قصيّدة متواضعة أتمنى أن تنتزع الأبتسامة من كل من قرأها وأتمنى أن أكون وفقت فيها
بداية
هذي صورة من الأمسية اللي حضرتها وعلقت عليها
7
7
7
7
7
[poem=font="Simplified Arabic,5,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
مرتن وانا مصيّف في هــــــاواي =وتارك الدنيا وهالعـــالم وراي
لاطرى لّيه حبيبي قمت اهيـــــجن =بالقصيد اللي كتبته من عــناي
بايع ابوها واشوف الناس تضحك = واتجاهل واتظاهر في غــــباي
وكل مامرت جميلة ناظـــــــرتني = وانا بالي مع حبيباً لـــه ولاي
وقبل اروّح خشف ريما ًقرّبت لي = ثم قالت هاي مسيو قلت هـــاي
والغبية ما اقدرت تخفي طـمعها = يوم قالت وش كلاصك قلت هاي
وقامت تسولف وتاخذ من علومي = تحسبّني مـصدقـاً كثرة غـلاي
المهم اني طفشت وقـــلت روحي = أصلا ً لمثلك ماانّزل مســتواي
مادريتي ب اني مهندس لكاعة = واتغابى بس ما أظهر ذكـــــاي
حتى جنيي ليا مــنّه توهـــــــق =ينتخي بي تكفى يااعز اصـــدقاي
بالمراجل والقصايد فازعن له = لــجل هذا فارقـــاً عمن ســــواي
ويوم راحت كلن استغرب حركتي = ليه قلت لهالــمليكة بـــاي بـــاي
وابطريقي شفت لي حاجة غريبة = زحمةً هذا يروح وذاك جـــاي
حول مبنى حارسينه جيش كامل = قلت ابدخل يمكن القى مبتغاي
وشفت شيا غاضني ياشين شوفه = أمسية لاعضاء حزب الساموراي
وكندليزا رايس صارت شاعـــرة = من يواسيني ويجبر في عـــزاي
وش يعرفها القصيد ومن يقـــوله = وين حنا والا انا اللي وش بـــلاي
وتكمل القصة بكوفي بن عــــنان = شاعراً يكتب على نغمات نـــــاي
وتبدا ست الحسن في ذيك القصيدة = والقصيدة كاتبتها بقااف آآآآآآآآآآي
(من هو غيري يكتب الشعر ويجيده= نجمةٍ مافيه غيري في سمــــــــاي
وغير هذا بالحلا مالي مـــــثايل = حتى كل البيض غارن من حــلاي
وانت ياكوفي كلامك لاتــــزيده = من بقر تكساس ولا لك أي رااااي
مير دوك العلم دوكه يالبناخـــــــي = نّفذ ولايوم تسال وااااااي وااااااي
حنا مـــحكمة العداااااالة باالبسيطة = ضابطين الوضع حتى في لاهاي)
(قال كوفي حاضر وسمعا وطاعـة = من رضاكم عايش بكامل رضاي
حددوا بالشرق الاوسط وش هدفكم = وآنا معكم لجلكم دايم وفـــــاي
وياكويحة ياام عصقول امتهالك = ويل قلبي نظرتك سـبة بلاي
ومن كثر خــــوفي بوقف لي دقيقة = ناشفاً ريقي وابي لي كوب ماي)
وقتها غادرت قاعتهم محزّن = ليه انا اقعد والقهر زوّد شقاي
حتى في نظم القوافي شــــاركونا = والدوا اللي كنت احبه صار داي
ولادريت الا واخويه جا يناااادي = هيه صل الفجر يذن قم رواي
واحمد الله واشكره من زين حظي = أثرني بنجد العذيّة مو هااااواي [/poem]
:11ughboun
تحياتي للجميع
[/align]