لا تليق الا بكم ..
لذا هي حصرياا لغرابيل
اتمنى تنال جزء من الاعجاااب ,,
،،
،،
[poem=font="Simplified Arabic,5,white,normal,normal" bkcolor="transparent" bkimage="http://bargalhada.********************************************/bargwgamar.jpg" border="none,4,gray" type=1 line=0 align=center use=ex num="0,black"]
في متاهات الطريق اللي اليه تودي=احسب الساعات لجل اضمها باعياني
من كثر ماني من الاشواق واصل حدي=السما راس المسافة والافق ميداني
آآه يا طول المسافة بين جزر ومدي=يا عنا اللي ذاب شوق ويا عنا الولهاني
من مشى درب المهالك واحد ٍ منحدي= والهوى باسه قوِّي ويذبح الشجعاني
المسافة .. والظروف .. وكل ربعه ضدي =كيف يقواها لحاله فارس ٍ وحداني
يا غلاي وراحتي ومناي شوفي ردي=واحتمالي للصعاب وثورة البركاني
والله اني في هواك اليوم مرخص خدي =للسيوف اللي تمزع راحتي واوجاني
اتعزوى باليمين ومحزمي منشدي=من جناني يسبق الناتوش ضرب بناني
بتهور لين اجيك وتمسكين بيدي=يابعد من عشت لجله يا بعد خلاني
ما حسبت حساب غيرك من جفا من صدي=ولا حسبت حساب لله خاطر الزعلاني
والله اني لو بحسب الشوق ما ينعدي=ولو بحسب اش كثر احبك ضاعت الاوزاني
ولو بسولف عن غلاك وحالي المنهدي=ولوعة الحرمان فيني ما وفت قيفاني
وادري انك يا هواي بتحفظين الودي=وكنت اعرْف ان المشاعر كلها تبغاني
وادري ان الحب عندك مثل حبك عندي=اشتركنا فالشعور ولهفة الوجداني
في متاهات الطريق اللي اليه تودي=اتلذذ بالغرام ولوعة الحرماني[/poem]