[frame="7 80"][poem=font="Simplified Arabic,7,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انا اعتبر صدام صقر الجريمه
=حتى وهو وسط القفص يكفخ يحوم
وده بنزع سبوقه المستظيمه
=ويعلّم الفيران والرخم والبوم
هذي النهايه والعواقب وخيمه
=ظالم يحاكم ظالم الكل مظلوم
دارت عليه الدايره والظليمه
=اصبح ذليلٍ واحقر الناس مكلوم
من اولٍ سيف العرب والصتيمه
=واليوم مكسور الجناحين ملجوم
المحكمه والقاضي اكبر غريمه
=قادوه زمرة من معاميع ورخوم
جريمته مع بوش اكبر جريمه
=وشارون رجلٍ للسلام اصبح اليوم
يقول ان القدس من اورشليمه
=هامان يا فرعون من يفرق السوم
والي ملى القربه يبي السيل ديمه
=لو وقفّت شبّوا عليها الحطب دوم
ماهمهم شعب العراق00 الوليمه
= الشارع الثاير مفخخ و ملغوم
ماهمهم الا النفط والشكيمه
=هذا بطلكم يا عرب صار مبشوم
والي بعد يرفع رويسه يظيمه
=بوش المعلم واصبح الدرس مفهوم
صدام ماله قدر ماله حشيمه
=وحنا عرب تبقا لنا سلوم وعلوم
عزيز قومٍ ذل من دون قيمه
=الحاكم امسا واصبح الصبح محكوم
صحيح يبقى الجو عتمه وغيمه
=لكنه مكبّل ولا يقدر يقوم
مطوعٍ شعبٍ تجهّم حكيمه
=أخمد فتن متلاطمه روّض قروم
حت الرؤس اليانعه من قديمه
=حجاجهاصدامها 00قومهم قوم
مابه خطوطٍ واضحه مستقيمه
=حكم القوي ينفذ على طول مرسوم
شريعة اهل الغاب ماهيب شيمه
=ماقرّها دينٍ ولاشرع و سلوم
انا اعتبر صدام اكبر بهيمه
=لانه غدر جاره وهو كان زيزوم
محاكمة صدام اكبر جريمه
=سيف العرب مكسور مبطي ومثلوم [/poem][/frame]