[poem=font="Simplified Arabic,6,black,bold,normal" bkcolor="transparent" bkimage="backgrounds/29.gif" border="inset,4,gray" type=0 line=0 align=center use=ex num="0,black"]
السلااااااام عليكم ورحمة الله وبركاته
]كل ما ذعذع الغربي وهـب الهـواء = ذكـر الشاعـر المفتـون تلهوتـه
كل هاجوس غايب في دقايق ضـوى = نصف ساعه يغيب وثانيـه ضوتـه
ثم جاب الدفاتـر والقلـم والـدواء = بيت يبنى عليـه وبيـت(ن) يفوتـه
مر بيت التغـزل قـال مالـك لـوى = التغـزل مضـى وقتـه وتسلـوتـه
عندي مداخله وانت أفهم المحتـوى = فرق ما بين مـر الشعـر وحلوتـه
ودي أسمع كلام(ن) عالي المستوى = أتمتـع بنظـم الشعـر وحـدوتـه
اكره الـراوي اللـي للهزيلـه روى = و كره العاني اللي يرخـص عنوتـه
وتضايق من الحره ( ورادو) سـواء = واعرف اللي سواء من حولنا سوته
حدثينـا بمانـه ياعيـون الجـواء = بيتنا اللي وراك شـوي وش جوتـه
حدثينا بمانه وين ذيـب(ن) عـوى = ويش خلاه يرفـع صوبنـا عوتـه
عقب ما كان يطمع في عدود الروى = لو يملك عـدود الأرض مـا روتـه
عقب ما كان يظهر فالوضوح انطوى = تجتمع به هموم الليـل فـي خلوتـه
كان يلعب على حبل(ن) قصر والتوى = اليديـن الخفيـه فالخفـى لـوتـه
كان دايم يقول أنـي شديـد القـوى = يوم حان اللقـاء مـا سرتـه قوتـه
عقب ما كان يقنب للذيابـه صـوى = القطـط والثعالـب كلهـا صـوتـه
ذي نتيجة جنون الهيمنـه والغـوى = التعالـي وحـب الغطرسـه غوتـه
الحقيقه لكل أمرئ ٍ نوى مـا نـوى = كل شخص(ن) حسابه نوع من نوته
لعنبو كل من خاوى وبـاق الخـوى = لعنبو مـن يخـون ولعنبـو خوتـه
شب ناره لجيرانه وفيهـا النشـوى = غضب ربه عليـه وبالقهـر موتـه
الشاعر / محسن بن فهــــــم [/poem]