شتات الوقت جمعني وتجميعه يجيـب شتـات
وانا ضايق بآحزاني وبآحزانـي انـا الفرحـان
لقيت بفكري الضايع ضياع بوقتي اللـي فـات
ولقيت إني انا الحارس ولي حارس وانا السلطان
لقيت بُمـرة آزمانـي حـلاوه جابـت اللـذات
ولقيت الصاحب الخاين يجي وافي وهو خـوان
آشك بوقتي الحالي ولاقي فيـه آحـق إثبـات
وانا مره اجي رامي ومـره آصبـح النيشـان
بلحظه آنتقض نفسي وانا مناقـض لهالحظـات
الا ياقـو ذاكرتـي والا يانعـمـة النسـيـان
ابي آدخل بموضوعي ورتب جملتـي بسكـات
ورتب بيتي مع همي وجور الجرح والازمـان
واضم الحرف في قلبي وازيد الضم بالضمـات
وعادل معنى بمعنى وآجيب الطرق والالحـان
وآركب بيت مع بيتٍ واعديهـا عشـر ابيـات
واسويها على قصـة رفيـق الهـم والاحـزان
رفيقٍ كنت آحسبه شيخ يازن هرجـه بكلمـات
رفيقٍ والله في عيني سوى العالم مع الاخـوان
واثاري رفقتـه والله تـدك القلـب بالضيقـات
وانا من رفقتـه والله آعيـش بعالـم الحرمـان
تضيع المرجله بحزه وفي حـزه لهـا وقفـات
ويضيق الخاطر اللي ينشد المعنى مـع القيفـان
الا ياكيف انا افقـد رفقـة الطيـب بهالحـزات
والا ياكيف انا رافق صغير العقل والصبيان .؟
صراحه ضاعت احلامي بحياةٍ كلهـا صدمـات
وانا اللي مضيعٍ نفسي مابين الراضي الزعـلان
آقول آلآه من جوفي وفي جوفي تجـي آهـات
وآسيل وادي عيوني بدمـعٍ يغـرق الاوجـان
واشوف الناس تطعني وزماني يزود فالطعنـات
واشوف الوقت يزرع لي هموم وشوك بالبستان
واقـول الله ياعالـم خفايـا ماحصـل بالـذات
تفرج لي همومي وللفـرح تفتـح لـي البيبـان