[poem=font="Simplified Arabic,6,white,bold,normal" bkcolor="purple" bkimage="" border="none,4,gray" type=1 line=0 align=center use=ex num="0,black"]
خلطة الزعفـــــــــــــــــــر ان
الكلمه اللي بصدري ودي اقولهـا = مشاعرٍ صادقه محبوسةٍ من زمان
كلمه سجينه بصدري دايرٍحولها = صابر عليها واخاف تصير زلة السان
اخاف لامن نثرت الشعر بحقولها = يطغى عليها مع التعبير صدق البيان
مشاعر الروح تفهم عكس مدلولها = ويضيع من ناظم المرجان عقد الجمان
وترخص مثل مارخص بأمواجها لولها = وتصير قصه طويله بين كانت وكان
وتحسب عليه وهاجوسي ماهو حولها = بعض الاوادم يغيّر يالله المستعان
لولا القوافي بفكري تسرج خيولها = واقطع ضما الغيض معها من مكان المكان
اسرح بذكرى تعدت ماختفا زولها = وأقول ياصاحبي هونك عليك الأمان
من واقع الحال حالي جاك مرسولها = استقبله كان في قلبك مكان وحنان
الحاصل أنك كسبت وهاك محصولها = مانيب طالب على صادق شعورك ضمان
المهره اللي براسي هل مجدولها = اليا ارهمت تسمع براسي صهيل الحصان
ترجمتها والقوافي شالت حمولها = مشاعري قدمت لك خلطة الزعفران
أبا اقصر السالفه وابحث عن حلولها = يمكن بتاخيرها خيره وأنا اصبح معان
بعض السوالف تمل الناس من طولها = من كثر ترديدها في صدقها يستهان
تحياتي 00 جمعان الرشيدي[/poem]