السلام عليكم ورحمه الله وبركاته
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
العيد ماهوب عيد الفطر وضحيه 000 العيد عندي معايد من على بالي
العيد ماهو شرى ثوبِ وطاقيه 000 ولاهوب كشخه ورزة شمغ وعقالي
العيد والله إلامن أتصل بيه 000 ثم قال عيدك مبارك يابعد حالي[/poem]
ابيات من قصيده كتبتها سابقاَ في موقف تكرر مراراَ
ولكن حينما ينحرم الشخص من شيِ قد تعود عليه
يحسب ايامه ولياليه على امل ان يسمعه مره اخرى
يجعله بدايه لأعياده لا تتم إلا به فجأه ينحرم منه
ويجيد من جرحه معرفه السبب
إليكم هذه القصيدة المتواضعه التي اتمنى ان تحوز على رضاكم وإعجابكم
أنا من كتبها ولكن ربما تكون لي وربما لغيري ممن عاش هذه القصة
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أول تكلمني من العيد للعيد = واليوم راح العيد ماجا أتصالك
في كل عيد تقوللي عيدك اسعيد = والعيد هذا ماطرينا فبالك
ياخي ولو ترسل إذا مابه ارصيد = "كل عام وانت بخير وشلون حالك "
مدري وش اللي صار ياشيخة الغيد = وش يمنعك ما تتصل ؟وش جرالك؟
أولا معودني على الوصل تعويد = ومايكتمل عيدي بليا وصالك
واليوم كثرت الهجر والتصاديد = وقفيت عن خلِ بحبه وفالك
وين الحلف ؟ وين العهد ؟ والمواعيد = ماقد حلفت وقلت : إني حلالك
وش فيك خنت العهد من بعد توكيد ؟ = وبعت الخفوق اللي يحبك لحالك
المشكلة إنك تزوجتي بعيد = لاهو ولد عمك ولا ولد خالك
وأكبر بلا لاشفتكم إيدِ بإيد = عز الله اللي قالوا فلان هالك
كنت أحسب أيامي لجل عيدِ اجديد = فيه استمع صوتك ونبرة دلالك
ومن عقب ماجبتي بخفاقي العيد = ماعاد ابي عيدي ولا أبغى أتصالك[/poem]
أخوكم : عبدالرحمن الدوسري
حزين الحرف
وأعذروني على التأخير فيها
ولكن حصلت مشكله لم استطع الدخول
للمنتدى خلال الشهر الماضي
رد مع اقتباس
