زمان العجايب
يا زمان العجايب وش بقى ما ظهر * كل ما قلت هانت جد علم جديد
إن حكينا ندمنا وان سكتنا قهر * بين قلب عطيب وبين خل عنيد
لو تفيد المدامع كان أسيل نهر * مير كثر التوجع والدمع ما يفيد
طاولتني همومي مع صميم السهر * ما تحمل ظلوعي لو ظلوعي حديد
أصبر أيام واشهر وأتصبر دهر * وان حصلي امناتي جيت لوني بعيد
اطلب الله واراجع كل طالع شهر * يجلي الهم عني أو عسى ما يزيد
يا غزال فضوح الزين عنها اشتهر * في عيوني ملاك ووسط قلبي وحيد
لو جحدت المحبة سقم حالي جاوب * مير ماكل قلب ياصل اللي يريد