مدامك أنت تدري ان بغيابك ترتكب غلطات
علامك غبت هالمده وعلي طولت بغيابك
تقول ان الظروف اللي تحدد بيننا اللحظات
لأجل تمنعك عن ناسك وعن ربعك وأحبابك!!
يجوز يكون أنا عندي ظروف بدنيتي ولوعات
ومع هذا تحديت الظروف وجيت لي بابك!
تصدق اني أحيانآ لا والله كثير أوقات,,,
أحس اني بديت أنساك واللي جابني وجابك
وتصدق اني لاشفتك أحس انك غريب الذات
ولاأدري كيف أتعامل معك في لحظة عتابك
وتصدق كثر مامرت علي من البشر عادات
أحس أنت الوحيد اللي تنكر دوم لأصحابك!!
وتصدق انك أنت اللي طفيت بداخلي الشمعات
وكانت تنور لي طريقي لأجل آصل لبابك
لذلك لاتحمل غيرك و ( أنا ) بالذات,,,,
خطاك اللي جعلني أسد بوجهك أبوابك
ولكن خذ كلامي وللزمن وقفات ........
يجيلك يوم تندم فيه وتدور بعده أحبابك.