[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,darkblue" type=2 line=0 align=center use=sp num="0,black"]
ألا يالـنحـيـسـه سـمَّـحي خاطـر الـمـنحـوس=عـسى الله يكافـيـنـا الـنـفـوس الـمناحـيـسي
تغـنـّي لي المـسـحـوب وتقـول ذا مـنـكـوس!!= وأخـيـل الـنجــوم الـغـايـبـه والـمـنـاكـيـسي
هـواكم نقـش وسط الحشى مثل نقـش فـلوس=ولاهـو بـ شخطة حـبـر وسط القـراطـيـسي
وطاني زماني صرت أنا الداعس المدعوس= على جـمـرة الـفـرقى تحـمـس المحامـيـسي
أنا حــنّ قـلـبي بالـمـعـالـيـق حــنّ سـقـوس = ثـقـال الحـمـول و مـبـعـدات الـمـرامـيـسي
وأنا لـوف قـلـبي لـوف قـشع ٍ تـلـوفـه كـوس=هـبـوب العـجاج اللي تـكـوح الطعـامـيـسي
وأنا فــزّ قـلـبـي كـل ما راعـني الـهـاجـوس= كما فــزّ لـ أبـرق ريـش طـلع الـقـرانـيـسي
على الصاحـب اللي حـاسـني بالمحـبه حوس= تـغــيِّـم به الأرصاد و وعْـــر الـتـضاريـسي
حـنى ضامري المجمول بالهجر حني القـوس= حـدتـه الـمـكـايـن مـحـكـمـات الـمـتـاريـسي
زهـمت الرويلي من شـيوخ العرب من روس=إبــن مــانــع اللي ضــاري ٍ بـالـنـوامـيـسي
وخـيَّــالـة العـلـيــا لـيـا جـــى نـهــار الــدّوس=تـكــفّ الـجـمــوع و للـمـعــادي مـدابــيـسي
أنا لي ثـلاث شـهـور في حـوسـتي محـيـوس= أســـدِّد فــواتــيــر الحـماقـات مـن كــيــسي
قـصاني غـلا الـمـتـغـنـِّج بـزاهي الـمـلـبـوس=كما غـصـن مـوز ٍ في الغـروس المغاريـسي
بـلاه الــدّلـع والكــبْـر في طـابـعـه مـغـروس= وغـــرِّه جـبـيـنـه والـرموش الـنـواعـيـسي
يـقــلـِّـب عـصاةٍ في يمـيـنه نـَـخـَرها السّـوس= وصــدّوه عـن دربـي عــيــال الأبـالــيــسي
تعـزوى وقال أبشر بعـزِّك على الـنـامـوس=نــســـدَّ اللــزوم و للـغــــداري مـقـابـيـسي
ولـكـن مالي حـيـلــةٍ في هــوى الـمـنـفـوس=غــريـر ٍ ســبـح بـحــر الـمـودَّه بـلا قــيـسي
تصبَّـر و وقـتـك يالخـوي فارس و مفـروس= ولولا الـرِّسـن ما سارت بحـمـلـها العـيـسي
عـسى الله يظهِّـر قـلـبه الغاطس المطمـوس = و يـجـنـح عـن دروب الـوجـيه المفـالـيـسي
وصلني جوابك يا أبيض الـوجه حـدِّ الموس= قـطع دابــر الـريـبـه و عـرق الـوساويـسي
ولـكـن جـاني سـمَّــها في الـدسـم مـدسـوس=وحـطـّوا علي عـشـريـن فـرقة جـواسيـسي
قـريت الـمـنـاهـج بان لي درسها المدروس=ولا ادري ويش اللي دار خـلـف الكوالـيسي
ويا قــشــر توفـيـقي ويا حـظي الـمـتعـوس=قـصـيـر الـيديـن و مشـقــيـتـني هـواجـيـسي[/poem]
رد مع اقتباس
-new.gif)
