[align=center]للتواصل
مع الزملاء في هذا الصرح
.
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
مجبور يبْن آدم تذوّق مر هالدنيا .. وتذوق=ضيم الليالي في زمانٍ كلّنا في ذمّته
دنيا تنكّر للطهاره واتّبسّم للفسوق=فيها المنافق بس .. والكذّاب .. يوصل غايته
ياللي ماعاد أشفق عليك ولاني لقربك شفوق=ياللي غلاك بساحة المهجه منكّس رايته
هاك الحزن ودموع عيني واضطرابات الخفوق=هاك الوله والشوق والحب العفيف ولوعته
خذ كل ماسببت لي من هم وآلام وحروق=خذ كل جرح كنت أولازلت أنزف سبّته
تعبت كم مرّه علي تخطي .. وتطلبني .. واروق=وتعوّد لــ / نفس الخطا .. في وقته وفي ساعته
تعبت أسوق الك المشاعر والغلا والعشق سوق=تعبت أضمك وسط قلب ماتقدّر ضمّته
سنين شمسي في سماك غيابها فاق الشروق=والعين حلو النوم بأسبابك ولاقد ذاقته
طبع الهوى وأهل الهوى مرّه تحت وأمرار فوق=وأنا معك نفسي الرضا يامعذّبي مانالته
صبرت يمكنها الظروف أو (كبوة حصان) وتفوق=يمكن يقوم الحظ والعاشق تعدّل حالته
يوم وشهر سنه سنه واللي له الحق امحقوق=ضاع الجمل وبما حمل ورياضنا ماشالته
والديمه اللي ماجنينا الا رعدها والبروق=شح المطر فيها وتخضير الحشا محتالته
رح مالك الاّ حشمة العاقل وتقدير الصدوق=روّح عساك تذوق فنجال الهجروفوالته
وأنا لو أزعل يوم ولاّ اثنين آخرتي بـ روق=وأنسى الهوى وهمّه وآلامـه وكل حكايته [/poem].
فهد بن عبدان[/align]
رد مع اقتباس
-new.gif)
