جديدي بعد غياب
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مسيك بالخير يا اللي طحت بدروبك = مدري متى حضرتك ترضى تمسيني
عذروبي إني أحبك وأنت عذروبك = أنك على طول ما قد طحت مني عيني !!
تسأل على سيرتي وأقول محسوبك= كتب لك الشعر لو تبغاه بالصيني
حتى قصيدي أجيبه حسب مطلوبك = كنّي على باب بيتك وأنت تعطيني
وما أنته بصوبي وأنا من لهفتي صوبك = ما كنّك اللي " مسنتر " في دواويني
وإن قلت ثوبي مهو لايق على ثوبك= تعال عاين مكانك في شراييني
الله يرحم أبوك ويغفر ذنوبك = في سكة الحب وحدي لا تخليني
يا " كنق " قلبي ترفّق فأضعف شعوبك = أسهر على راحتك وأنته تعنيني
خليت كل البشر وأغليت مندوبك = وأغليت دربٍ على دارك توديني
وكبيّت كل الحكي وأعجبت في أسلوبك = ولو تفتش القلب تلقى صورتك فيني
إن غبت كل العيون تغيب بغروبك = وإن جيت كن البشر عندي تهنيني
يوم اتنفّس ويوم تذوق مشروبك = كنّي معك في مكانك وأنت ترويني
أقبّل جدار بيتك واحتضن طوبك = ولا شفت زولك أشيل القلب بيديني
وأقول بكرة يجيب الله مكتوبك = ويروح بكرة وبعده وأنت ناسيني
أما أني أصير طول العمر محبوبك = وألا أني أرجوك قل ما عاد يمديني
ولا عاد أمسيك وألا أذكر دروبك = وما هوب لازم بعد أنك تمسيني[/poem]
وسلامتكم
رد مع اقتباس
المشاركة الأصلية كتبت بواسطة مفرح بن مناحي
[/url]
