هذه القصيده القيتها في زواج الاخ الزميل/صالح سعيد الغامدي
في يوم الاربعاء الموافق 7/10/1426هــــ
[poem=font="Simplified Arabic,5,white,bold,normal" bkcolor="transparent" bkimage="backgrounds/3.gif" border="double,4,gray" type=2 line=1 align=center use=ex num="0,black"]
سلام تسليمٍ يذعذع نسيمه=هواه عود ازرق ومسك الاصاله
يمطر سحابه في هذا الليل ديمه=على ذوائق ترتجي في خياله
من عقب جاء الداعي وجات العزيمه=عبر اتصالات الفضى في رساله
من رجل غالي له معزه وقيمه=وجب علينا ناصله ونعناله
صالح سعيد الطيب مثله زعيمه=عسى السعاده طول الايام فاله
مبروك والتوفيق جعله نديمه=يحالفه طول الحياه ويناله
حيثه حشيم ومن رجالٍ حشيمه=من لابةٍ تعرف بطيب وشكاله
غامد قبيله نعم فيها كريمه=يشهد لها ماض الزمان ولياله
قلته وانا من روس لابه عظيمه=حرث لنا فالوقت قاله وطاله
شمسٍ على العايل وللجار غيمه=زبن الدخيل وشر منهو سعاله
فريس لن جت للاصيله وريمه=كرام لاجا الضيفٍ نكرم سباله
من غير حقره فالقبائل وظيمه=اهل الجنوب ونجد واللي شماله
قبائلٍ فيها الاصاله مقيمه=مع نخوه وهيبه وجودٍ وقاله
اهل المذاهب والسلوم السليمه=اللي عليها الكل ربّا عياله
بعد الكتاب وسنةٍ مستديمه=هي مكسب المسلم وراسٍ لماله
اليوم في خيرٍ عسى الله يديمه=رفقه مع الادنا والاقصى زماله
العالم اصبح شبه غرفه وخيمه=والكل من بيته يمارس مجاله
جهاز من واشنطن او هور شيمه=مع خط هاتف والعجب بإتصاله
يدرج بك العالم جديد وقديمه=وتشوف كيف العلم عكس الجهاله
الشعر والنت سووى خير وجريمه=سلاح ذو حدين ميل وعداله
خيره معرفتنا الرجال الحكيمه=شروى حضور الناس قوم البساله
في عرفهم مكسب وفود وغنيمه=دينٍ وعرف وجود فوق الجماله
جرمه؟مخالطت الرجال الــ.حريمه=واسماء استعاره في نساه ورجاله
نتٍ جمع لاش البشر والصتيمه=واهل القصيد الهزل باهل الجزاله
يالله يامحيي العظام الرميمه=تلطف بنا وترد قوم الضلاله
قوم الحسد واهل الفتن والنميمه=واهل القلوب السود واهل النذاله
وتديم الامن وتحفظ النا زعيمه=مليكنا اللي كلبونا فداله
عبدالله اللي له فعولٍ جسيمه=كريم سبلا والطنايا خواله
وولي عهده عوق منهو خصيمه=عضيد ابو متعب بماله وحاله
سلطان سعد اللي نخاه ونعيمه=طلق الحجاج وبسمته في قباله
والمعذره لو طال سبك الوسيمه=كله لاجل نور الهلال وكماله
والخاتمه هالليل ذعذع نسيمه=عسى السعد فال العريس وعقاله[/poem]
رد مع اقتباس
-new.gif)
