[frame="4 80"][poem=font="Simplified Arabic,7,darkblue,normal,normal" bkcolor="transparent" bkimage="backgrounds/34.gif" border="inset,10,skyblue" type=2 line=0 align=center use=ex num="0,black"]
الحمدالله عاضني في غرابيل
=عقب النداوي والصحف والمجلات
يعني يجب ان التزم بالتراتيل
= واتبع زريق الشعر 0ولا لـ شلاّت
يعني اطبل بالتنك للبراميل
=واقوم واقعد0والحقيقه ضحالات
يعني عشان ابرز أشب المعاميل
=واسوق فنجالي وهي خزبعولات
بدا0 بدا ماهيب هي رحلة الميل
=عديتها مارجع ورا00للهزيلات
ماصلح لهم قصايدي طير ابابيل
=تقصف اماكنهم00 وتهزم بطولات
قصايدي تحدا على النوق والخيل
=وصلف الرمك اتعبتها خمس جولات
قصايدي من ريحة البن والهيل
=والعود الازرق نودها والجمالات
قصايدي ماهي مجرد مواويل
=قصايدي تقرا بشتى المجالات
قصايدي وان قصرت ويلها ويل
=ذبحتها ذبح القوافي00 جميلات
تشدو بها فيروز لا هوّد الليل
=بالصيف ولا با الشتي باي حالات
عديتها المرقاب بالحيل بالحيل
=عن الطمان ارقا رجومٍ طويلات
وان كان ماني شاعرك يا غرابيل
=لابو ابو جد الصحف والمجلات[/poem][/frame]