ماأبتسمت الا دموع .. ولاشربت الا سـراب
ولاحييت الا بحلم ٍ يشبـه ألـوان الغـروب
يختزلني حلم ٍ أكبر مـن مسافـات الغيـاب
بين جرح ٍ مايطيب .. وبين قلب ٍ مايتـوب
لو تمادتنـي دروب ٍ كلهـا شـوك وعـذاب
أركز الساق الكسيرة والدروب أغلى الدروب
لو مداها عمر .. والا لو ملامحهـا ضبـاب
نبض خوفي لاتسارع في ذرى عزمي يذوب
فاتق ٍ فجري ضلامي والسما برق وسحـاب
والمخايل دوب يرفـع ناظـره للبـرق دوب
والبلا ماهوب فاله مير محضـون التـراب
كيف يامن لاتنهض ماتطيـر بـه الهبـوب
والا أنا حلمي مصابي والمصاب اكبر مصاب
والعزا فيه إن قلبي غير عـن كـل القلـوب
ماتشوفون المشاعـر تلتهـب فيـه إلتهـاب
موقـد ٍ نـاره هنيـا لاشمـال ولاجـنـوب