مساءكم سكر :
اتقدم لمنتديات غرابيل وروادها بالتهنئة القلبية بمناسبة حلول عيد الفطر المبارك ..
هذه القصيدة اهداء الى من سلبت هذا العيد بغيابها اضواءه الذهبية ..
ياطول يوم العيد وانتي بعيده
اطول من الغربةعلى قلب مشتاق ..!!
عيدٍ بدونك خالقي مايعيده
وش عاد ابي بالعيد يانور الاعماق ..!!
كن التهاني من همومه تزيده
قلبٍ اذا منه ذكر غيبتك ضاق ...!!
أنتي هواه وذكرياته وعيده
وانتي حياته وامنياته والاشواق ..!!
لو ماانتي اغلى من سكن في وريده
ماكان قال العيد ماعاد ينطاق .!!
كتبت لك من دم قلبي قصيده
حتى بكت من حزنها بيض الاوراق ..!!
عساك في عيدك مع اهلك سعيده
وانا لي اللي في يده حكم الارزاق ..!!
رب خلقنا واصبح الامر بيده
وقدّر نكون بعالم الحب عشااااااق ..!!