بشروه إني أبرحل
المقدمهضاحي أبوناصر:يالله ياعيال نعتمرعمره الوداع ورانا درب للكويت.....ودي أواصل...
أم ناصر:يالله يامها قومي ...بسج نوم..قومي ساعديني على الأغراض
مها:يمه مالي خلق أبي أنام شوي توالناس لاحقين
ابوناصر:مهايا بوج متى بتخلين نوم الظهرهذا اللي يتعب الجسم قومي يالله عاوني امج
وفي المغرب تجهزت العائله الكويتيه اللي كانت في زياره للارضي الطاهره وفي طريقها للكويت الطريق كان طويل قطعوه بالضحك والسوالف مرت الساعات ثقال وحس ابوناصرإنه تعبان خصوصا إنه ماعنده ولد كبير يسوق عنه لكنه ظغط على روحه عشان عياله اللي اشتاقوا لديرتهم واصدقائهم
الساعه 1في الليل
أم ناصر: مها روحي عند الأغراض وسوي صمون وجبن لإخوانج والله مافيني حيل
مها:خليهم يولون توهم ماكلين شبس وببسي
أبو ناصر :إي والله روحس سويلي صمون وجبن من إيدج
مها:خلاص زين بس عشانك