اسعد الله مساكم جميع يسعدني وضع هذه القصيده القديمه الجديده امام أعينكم علها تجد شي قليل من قبول ذائقتكم الرائعه
[poem=font="Arial,4,darkblue,bold,normal" bkcolor="white" bkimage="" border="none,4,gray" type=1 line=0 align=center use=ex num="0,black"]
يمكن يضيع الشوق في داخل إنسان=
ويمكن يضيع أنسان من كثرة الشوق
الشوق لوعة / وانتظار ٍ / وحرمان=
وآهات ليل / ودمع / وإحساس مخنوق
تلعب به الدنيا على كف الأحزان=
والنوم بعيونه من الهم مسروق
وكم خافق ٍمن حرقة الشوق ضميان=
ما كن له حس ٍ ونبضات وعروق
ما عاد له في عالم الحب سلوان=
وما ضنتي من عقب محبوبة أيروق
وكم من عيون ٍ بالهوى شانها شان=
يسوقها ليل السهر والألم ســوق
تسابقت عبراتها فوق الأوجان=
دمع ٍحداه الحزن من محجر الموق
الناس تتعبها العواطف والأشجان=
وما كل عاشق بالهوى صــار معشوق
أحدٍ شكى همه على فلان / وفلان=
وأحدٍ يعاني مــا درى فيه مــخلوق
يا صاحبي كانك على الوصل شفقان=
فاعرف ترى قدرك على الراس من فوق
اشتاق لك شوق الهبايب للأغصان=
واحن لك حنة خلوج ٍ من النوق
جيتك وقلبي للشقاء صار ميدان =
وثوب الصبر من خطوة الياس مشقوق
هذى حياة الناس رابح وخسران=
ولا غاب برق ٍ بالسماء لاحت أيروق [/poem]
لكم ودي