هيه وش اسم امك .؟

[فهد المهوس]

[align=center]السلام عليكم مسيو بالخيرووو<--- حاجر لفرنسا بالعطلة يدور الفقع ولا الفقر خخخ :

بصراحه انا من زمان ومن يوم اني بزر (يعني صغير ) واناماادري ليه كثيرين يتضايقون من ذكر أسم امهاتهم..

لا ومن زين الطبايع اللي يشوف اسم امه زين علشان يغار عليه تلقاهـ يالولوة ولا حصه ولا فهيده

وعيب وياويله ويلاه من يتجرأ ويقول أسم امه


في احد الصيفيات رحت للجوازات ابي اطلع جواز سفر..واروح بالسياره

في عز هالقوايل لمبنى الجوازات..واعبي كل البيانات..واجلس امسك

سرا وانتظر دروي..احتري رقمي يطلع..

اخيرا وبعد فترة جا رقمي وافز اقول..دوري..دوري واجيك نافخ صدري

واطالع بالضابط ويقولي:

الضابط: عطني الملف والصور :غمزه:

انا: سم طال عمرك..الله يخليكم لنا انشاء الله

الضابط:وين الصور
انا:خذ هذي هي


الضابط: وليش مو كامله اذانك طالع نصها بس

انا: وش اسوي عندي صور4 × 6 وبصراحه عجزت اعفط فيهم مع المصور ولاجت معنا ماطلع الانصها

بس هذي صوره ثانيه كاتب عليها (يتبع) الاذان..

الضابط: تستخف دمك الحين

انا: لا اقص قصتي مع الصوره (امممممعععق ابلع ريقي ) :

الضابط: طيب وش اسم امك؟؟

انا: لاياشيخ ..علمني انت اول وش اسم امك وبعدين اقولك

الضابط: (طالعني بعين قوويه وانا ابولع ريقي..اقول وش اسم امك

لاارمي هالملف بوجهك

انا: يؤ..ليش طيب هي اللي بتسافر والا انا..وش دخلكم بامي..والله قلة ادب :006:

الضابط: بتقولي والا ضف وجهك يالله

انا: لاخلاص اسمها..(واتلفت يمين ويسار..واسكت) :

الضابط: وش فيك سكت

انا: اصبر خل الهندي اللي معه شاهي يمر..لايسمع بعد هو اسم امي

والله قهر عاد!! اسمها نوره

الضابط: اخيراااا الله ياباسكال هالحين


انا: وش تقول..... لالالاولاشي

عطاني الملف وانا اضحك تدرون ليه لاني لعبت عليه ماقلت له اسم امي الصدقي خخخخخخخخخخخخخ

وطلعت وقالي رح للحاسب الالي دقق المعلومات..واروح وامسك سرا

والله زحمه..يوم جا دوري جلس يدقق على الجهاز..وانامغطي اسم امي

باصبعي الكبير..قال لي الموظف..وين اسم امك

قلت: اوووووه بعد انت والله فضحتونا

قال: ياخوي المعلومات ماهي متطابقه مع بطاقة العائله..اسم الوالده

متغير..ارجع للضابط وعدلوا اسم امك

انا: اووووه والله حاله كل هالتعب وارجع مره ثانيه..والله الفشيله

وش بيقول الضابط هاللحين

وصلت للضابط بعد مامسكت سرا ثاني..ويوم جا دوري

قال الضابط:هاه

وش جابك بعد؟

انا: ابد..عدل اسم الوالده

الضابط: ليه موصحيح

انا: بصراحه لعبت عليك هي اسمها مزنه (*_^)

الضابط: طيب وش حادك على الكذب..من زين امك عاد

انا: لاياشيخ احسن من امك

وعطاني الملف وجلست اقراه ادقق..وجا بعدي واحد وقال له الضابط

وش اسم امك..وقال له الرجال..مزنه

والتفت عليه وقلت له تتطنز انت ووجهك (احسبه يتكلم عن اسم امي )

وامسكه مع رقبته ومع ياقة ثوبه وارفعه شبرين عن الارض وقلت يوم انك تعرف اسم امي وراك تتطنز قدام الله وخلقة..واشوته بوز مع بطنه <---يمديكم خخخخ :

وأقوم الضابط ويصكني كف طير كل الاوراق اللي معي وهو يقول انهبلت

ياخوي اسم امه مزنه زي اسم امك وش دخلك بالسالفه!!. :نيني:

.وانا جالس ادور اوراقي ماابي احد يشووف اسم امي..ويصكون الشعبه ويجون

الشرطه وياخذوني للتوقيف ..وجلسوا يحققون معي ووين اوراقك

وانا ازاعق واصارخ للي تحت واقول : بذمتكم اذا احد شاف اسم امي اضربووهـ


ويجي الهندي وهو شايل الاوراق..قلت والله قهر حتى هالهندي

شاف اسم امي...
والله واطلع من الجوازات لا جواز ولايحزنون

يعني خرجنا من المولد بلا حمبص <--- مايعرفه

وش اسم امتس وانت وش اسم امك ..؟؟

يالله طسوووووووووووووو[/align]

[جواهر]

انت اللي طس



اقولك اسمي ايه لكن امي لااااااع


وش يقولون علينا الناااس يافضيحه

[فهد المهوس]

^
^
^
^

من زين اسم امتس عاد (*_^)


يالله قولي لي اسم امتس علشان اقول لتس اسم امي <--- وعقب هالموضوع طلع اسم امك كذبه ههههههههههه

[المشاعر]

[align=center]السلام عليكم والرحمه

الله يرجك تفتقت جنوبي من الضحك

ضعيف هاللي مسكته مع رقبته

ولايوم رجعت ومسكت سرا ثاااااااااني ههههههههههههههههههههههههه هه رهيبه

الله يرجك

ماقول الا فديييييييييييييييييت امي حصه وش عاد ان ذكرت اسمها وافتخر به

تسلم على القصه [/align]

[فهد المهوس]

^
^
^


اسم امك حصه

خخخخخخخ

عرفنا اسم امها <-- حركات مبزرهـ :)

لا بالعكس وش فيها لوقلنا اسماء الأمهات المفروض نفتخر بأسماء الأمهات

وانا من هالمنبر ادعوا كل عضو يقول اسم امه علشان اقول اسم امي (*_^)

المشاعر

مادوتس نغير اسمك لعمشى ههههههههههه

يسلموو على طلتك

[السبيــــــــــــــــــعي]

ما عاد إلا هي

من تكون يوم تعرف إسم أمي

خخخخخخخخخخخخخخخخخخخ أمزززززح


أنا أسم أمــــــــــي (( رامــــــــــا جوزيـــــف ))

هذا أسمها كله مركب تركيب

حركااااااااااااااااات

[فهد المهوس]

^
^
^

ولد خالتي تعالي لقيتك بعد عناء بحث خخخخخخخ

شوف وش اسم امك عادي ماني قايل لاحد

<- يامصلك

[الأنامل الذهبية]

ههههههههههههههههههههههههه ههههههه <<<يارجال ذكرتني باخواني من زمان

اسمع سولفهم الماسخة
في البدايه كانو بالمجلس مع ربوعهم كل واحد يطلع اسم ام الثاني ويمسكه عليه ...

ولين تطورت الاوضاع قاموا يطلعون اسماء خواتهم
وهذي وحدة من سوالفهم جاني يوم من الايام اخوي ويسألني
وش اسم بنات فلان الفلاني اللي هم خوات صديقة وانا على وجهي قلت له كلهم <<<<فرحانه اني اعرفهم
وماددريت بها السوالف الاعقب وهو جاينا يضحك انه انتصرعلى خويه وجاب اسم خواته مو امه بس

وجاتهم موضه ينادونا لما يكلمونا بالجوال او التلفون لم ربوعهم بترتيبنا هههههههه وانا وش تتوقعون تريتبي من البنات...اممممم
(رقم 4)هههههههههههههههههههه والله صج رجال ماعندهم سالفة

اية وانا بنت~*"/(وضحى)\"*~... لكن اسم ابوي ماراح اقوله عيب عندنا حنا يالعرب<<<< واللي يسلمك يارجال جت العروبة على اسم امك وخواتك
ويييي قلت اسم امي واعيباة ههههههههههههههههههه

واقولكم سالفة ثانيةاخوي لما كان صغير يعني بو13 سنه تقريبا
جاي البيت يبكي ومعصب خير وش صاير ؟
هو يقول مادريتو اسم (....) "اللي هي اختي الكبيرة " الشباب والاولاد اللي بالشارع عرفوة
قلنا لة خير عادي .....
قال وهو حمقان ومعصب لا مايصير يعرفونة ...
قلنا طيبب وكيف طلع اسمها بالشارع وعرفوة..
قال مدرسة ارامكو اللي بجنبنا رامييين اوراق قديمة اوراق الاختبارات للبنات وسجل اسمائهم ومن كثرهم طارت بعضها في الشارع ..
سبحان الله وصار لاختي النصيب انه من ضمن الللي يرمون اوراقهم <<<<هي كبيرة اتخرجت من سنين وش يبوون باوراقها
وقام يجمع الاوراق ويفتح يمكن بعد يلقى احد ثاني منا علشان يتدارك الموقف وحدة ويكفي ....

مادري متى بتنفتح هالعقدة من عيالنا........

تحياتي الذهبية......
يلا دمتم سالمين

[ليالي الشوق]

[quote]الضابط: وليش مو كامله اذانك طالع نصها بس

انا: وش اسوي عندي صور4 × 6 وبصراحه عجزت اعفط فيهم مع المصور ولاجت معنا ماطلع الانصها

بس هذي صوره ثانيه كاتب عليها (يتبع) الاذان.. [/quote

ههههههههههههههههههههههههه ههههههههههههههههههههههههه ههههه

فهد الله يررج ابليسك يااشيخ مت ضحك على هالمقطع

اذكر وااحد من اخوااني وهو صغير عرف وااحد من العياال اسم امي الله يحفظها وانقهررر مرررره ....

وجااء وسألنا عن اسم ام الولد وقلنااله ....

عاااد اسم الام صبااااح راااح وقاااله ياصبااااح يامسااء يااشرووق يااغروووب

عاااد احنا يووم قاللنا عن اللي سوااه تسدحنا ضحك على رده ...

... فهد علمني بااااسم امك اعلم باااسم امي خخخخخخخخخخخخخخ

يسلمووا ياافهد على مووضووعك وعن جد دمك خفييييف ....

تحيااااتي ....

[بنت نجد]

أنا أسم أمي مزنه






شوف فهد أسم أمي مزنه مو أمك






عشان بس مايكون عندك سوء في العسر وتتلخبط أوراقك ويجيني كف





وبعدماعرفتوه






خير وش صار






هذه الإنفتاحيه على العالم






وهذ التطور السيكليوجي والنفسي






ويجب الإنطلاق للعالم والتطلع للمستقبل بعين تملئها الحياة الديمقراطيه والإنفتاحيه





مو عين كلها تعقيد


أخـــس







المهم






وان جينا للجد عائلتي (الله يخليها ويحفظها) ماتتكلم لا بسامي البنات

يعني الواحد مثل فهد ينادونه فهد إذا تزوج وصار أسم زوجته مثلا مها خلاص ينسفون أسمه الأول خلاص صار موضه قديمه

وينادونه مها


هلا مها وينك مها وجت مها وراحت مها



والله وناسه وسعت صدر





بلاتعقيد








أقول لكم قصة زرج أختي

خالد تزوج (طبعا أختي ) نوره(الأسماء مستعاره) أنحش

وجالس مع زملائه مع أخوي وهم محد يدري وش أسم زوجته

جالسين ياغافلكم الله

ويدخل واحد توه متزوج وأسمه زي أسم أختي

كل الشباب بصوت واحد هلاااااااااااااا بأسماء

زوج أختي راحت رقبته وطي على طول ألتفت يم الباب

يقول حسبته جت زوجتي


ههههههههههههه



وش ذا الغباء وين ساكنين بباريس



بس زين ماحد أنتبه له








توته توته خلصت الحتوته















وسلااااااااااااامتكم

[مشاعر حالمه]

الضابط: طيب وش حادك على الكذب..من زين امك عاد

انا: لاياشيخ احسن من امك



خخخخخخخخخخخخخخخخخخخ

اقول فهد امي احسن من امك انت والضابط خخخخخخخخخخ


بري حالي هذي سوالف البزران والله اني اذكر اخوي يومه صغير ينشدني فلان وش اسم امه يوم قلت له ليه وش لك فيه قال انه يعرف اسم أمي ويعايرني به ياولد فلانه وياولد فلانه والله آخر زمن صارت الأم عياره ...


بس ولاااااااااااااااااااااو باعلمكم وش إسم أمي









طيب اصبروا ازخرف اسمها


















ياليل كل ذا تبون تعرفون اسم أمي والله نشبه خخخخخخخ



























اسمها


































نبع الحنان ^___________^




فهيدان بن مناحي بن مطلق خخخخخخخخ تسلم والله على القصة الحلوووووووووووووة والمحبووووكة عدل مدل ....



أختك / مشاعر حالمه ...

[أمل عبدالعزيز]

شوف ياولد مزنة


أنت من عرفت أن أسم مامتك مزنة وأنا خلاص


قلت أنتهت المشكلة وعرفت السر ورى خفت الدم بتاعتك


أجل مزنة!!!


أنا أمي أسمها فردوس طوني البرتو

ههههههههههههههههههههههههه ههههههههههههههههههههههههه هههههه


وياويلك لو تعاييرني صدقني لاكتب تحت يوزرك

ولد مزنة

وشف عاد مين بيفكك من مازن عندنا لأن مزنة دلعه


ههههههههههههههههههههههههه ههههههههههههههههههههههههه هه

[سود العيون]

ههههههههههههههههههههههههه هههههههههههههههه



عاد أنا إسم ماما / بكيزة زغلول


وبدلعها / بك بك









موضوع الصراحة يشرح الصدر


ويحتاج شوية جرأة ..

مع شوية عزيمة ..

على شوية رشة بهار


من شان يصير ذو نكهة أحلى





الف شكر لفهد بن صالح






سود بنت بكيزة

[(*)~سدوومة~(*)]

[align=center]هههههههههههههههههههه

ههههههههههههههه


الله عليكم وعلا اسامي امهاتكم الله يحفظهم

وبعدين وشفيها لو قلنا اسماء امهاتنا











































عادي فري هي عيب ولاجرم عشان نستحي










































الواحد يستحي من الفعل الشين والمخجل






مو اسم الام








































انا اسم امي جينفر >>>>>>>>>>> ابوي يدلعها كذا





بس مدري يوم طلعت للدنيا وهي اسمها









ياقلبي وينك







ما اسمع الاهذي الكلمة





























واخواني ماما ماما



























ههههههههههههههههه

ههههههههههههههههههههههه


تسلم علي الموضوع الحلو فهد بن مزنة >>>>>>>>>>>> قصدي ولد مزنة

تحياتي لكم


سدوووووومة[/align]

[شـــــووشـــــه]

هههههههههههههههههههههه الله يرجك رجن مبرحن غير ضااار ,,

اما سالفه تتفطر لها الكلاوي من الضحك ,,
هههههههههههههههههههههه

أهم شي اليتبع تبع الصوره خخخخخخخخخخخخخخخخخخخخخخخخخ أتخيل الموقف بس ,,

الضابط: اخيراااا الله ياباسكال هالحين

:icon_frow الله أكبر ذا الباسكل يذكرني باسم فوال عند "نسيت وش اسم المحل بس الظاهر انه ((بصيص))" <<<< عاد لا تدققون واجد


إيه وعلى طاري اسم أمي ’’أليكساندرا مرت خوليو’’ =)


"" ماهو عيب ذكر اسم الام بس ماله داعي بعد p= "
ينطييييك العافييه خيوو


بعد الرد رجعت . تذكر اسم محل الفول "بابصيل" :كلوش: