من يحل اللغز

[رشيد الكسر]

اسعد الله صباحكم بكل خير ..

اليكم هذا اللغز ... وتراه قديم بالحيل .

[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
انشدك عن رجلٍ ذبحناه بالسيف = من غير سابق ذنب خانه خويه
ثم اختفى الرجال يومين ماشيف = واليوم ثالث يوم عود عليَه
مانفع بالرجل ذبحٍ وتخويف = قام يتحدى الناس ميه بميه [/poem]

[نايفة شمر]

صعب حييييل

[رشيد الكسر]

بالعكس انا اشووف انه سهل بس يبي له شوية تفكير ...


حركي التفكير شوي يالزعيمه ....

[مشاعر حالمه]

الكي .........؟؟


أو المرض ..؟؟

[رشيد الكسر]

أبعدتي .. يامشاعر ، رمعه خاطئه للأسف !

اعيدي التفكير ..


وشكرا على المرور العطر

[المحارب]

رشيد الكسر /الله يعطيك العافيه

أذا ما خاب ضني

(الوقت)

ولك تحياتي

[رشيد الكسر]

الله يعافيك يالمحارب ...


ماودي اقول خاب ظنك ، لكن اجابه خاطئه .

لك اجمل تحيه

[السبيعي]

والله ياخووك صعب

[نياف العتيبي]

رشيد الكسر

هذا شعر اللحيه

عند الحلاقه .. ويطلع بعد كم يوم

وهكذا .. طال عمرك


النااااااااايف

[رشيد الكسر]

جبتها يانيااااف ..... صح مثل ماقلت ..

[مشاعر حالمه]

ماشالله عليك يانياف والا النايف ؟؟



على العموم مشكور اخوي رشيد والله استانس انا في حل اللغز حتى لو ماصبت الهدف ^___^ اهم شي اشارك معكم .



تحيتي لكم / مشاعر حالمه

[نياف العتيبي]

سلمت يالغالي رشيد

ولاهنتتتتتتتتتتتتت


مشاعر حالمه

شكرا لك

ولمتابعتك

والالغاز تنشط الذهن ونمر عليها

ولكن بعض الاحيان مايكون لدينا اجابه ولو قريبه

لذا اتحاشى الرد باجابه بعيده عن اللغز


الناااااااااااااايف

[مشاعر حالمه]

ماشالله عليك يانياف ....






انشالله اتعلم منك ^___^

[رشيد الكسر]

ياهلا بك يامشاعر ... والله والله منورة الصفحه بوجودك ....


انشاء الله مااعدم ولا اخلا . يااارب

اجمل تحيه لك ..

[رشيد الكسر]

الله يسلمك يالنايف ... ومشاء الله عليك ذكاء لا يعلى عليه ..

استعد للغز الجاي ..

لك اطيب تحيه