[frame="1 80"][align=center]السلام عليكم ورحمة الله وبركاته
اخواني واخواتي
اسعد الله اوقاتكم بالخير والمسرات
لدي هذه الابيات
اتمنى ان ترقى إلى حُسن ذوقكم
صكـــات الزمـــــن
[/align]
[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالله المعبود عالم ما خفا فكر وشال=عالم أسرار تخبت دون غيرك مستحيل
رحمتك من حر مونس يوم شفت الليل طال=والليالي عجرفتها حصلت مني عميل
ابتدت حولي عواصف من يمين ومن شمال=وشفت في وجهي براءة طفل في دمه قتيل
ضاق صدري والمسافه بين دربين طوال=واقف نصف المسافه لا ظلال ولا مقيل
جيت كساب ونفسي تطلب الرزق الحلال=وبت مطلوب منفي غاير جرحي عليل
من عنايه ذقت مايه مر به قرب الزوال=والظروف اتسوق نفسي للشقاوه كل ليل
ليتني ما جيت ديره قد حكوا فيها ظلال=يلتجي من شاف وقته ظالم يبغي بديل
ليتني طهرت نفسي من تصاوير الخيال=كان ما لانت عزومي يوم وقتي يميل
القناعه كنز وافي ما بها رح او تعال=والعقل تاج الرجال الفاهمه من كل جيل
من زرع بستان دنيا والهدف قصده يقال=ليت من هو في مكانه صار له حس وصهيل
لا تكلم في كلامه درة جزله وفال=فال للطيب وشوره راسخ وافي عديل
يا هلي والليل توه مال ظله واستمال=دار راسي والتقت به عاصفة ليل كحيل
ظلمه منهااا وفيهااا شفت في نفسي اهبال=وافضحت دمعة عيوني هم باكوام تهيل
ويش بأحكي ويش اسولف ويش لا جالي مجال=لو اسوالف عن بعضها للنوايف ان تسيل
كيف وابن ادم لحم والجرح في كبده نكال=وان سمع مني بعضها صاح بي حملك ثقيل
هم بين وهم غربه وحب ما منه منال=كان تبقي ذي حياتي حالف اني لا استقيل
لا تجرع سم هاري يوم طعمه لي زلال=ثم اودع وجه دنيا ضيمها قاسي طويل
لوعتني لوع عودٍ شايب ماله عوال=يوم سنه به تقدم ما لقى له من يعيل
داج من بين القرايب يرتجي مد الوصال=والليالي حاربنه واستوى مهدود حيل
واهلكتني مثل عود شالته ريح وجال= والحيا وقته توخر وانقشع يومه هزيل
ضيعتني ضيعة اللي لا عمام ولا خوال=ما عرف درب يضمه بين حط وبين شيل
استوى يرثي لحاله جال به همه وصال=وانتهى يبكي حياة ما تسره بالحصيل
والقدر حاصل ولكن جافل منه إجفال=وسط طياته خفايا ما يبينها دليل
جعل يسقى وقت ماضي كنت من جيز العيال=في ديار لي هواها صافي ريحه عليل
ما عرفت الهم ساعه خالي مرتاح بال= ما جذبني فوق همي شوق منثور الجديل
ضيفهم يرقد ويامن يكرمونه كل غال=وان مشى مسرور راضي ما تضيف له بخيل
يشرب الفنجال صافي ما علق وسطه احثال=ويتقدم له كرامه من سمان الحيل حيل
يوم ذكر الفعل ماضي احمد الله لا يزال=والعيون اشوف تقرى دون ما تبعث وكيل
باطلب المولى جلاله بس يعطيني بدال=قلبي اللي كل صكات الزمن وسطه تعيل
من فعايل وقت عاصي بادي فيه الهزال=يحترق لا جاه طاري من غرس حبه نخيل
حب من هو صرت ملكه فاضح زينه كمال=جف ريقي من خياله كيف لا اصبح لي خليل
غارس حبه بقلبي مستحله له حلال=من غلاته قلت قلبي لاملك قلبي قليل
لا تمشى بالخطاوي مت زود الدلال=واعتقد ما فيه مثله لا شبيه ولا مثيل
والهوى اهلك اقلوب في رخا راحه ومال=كيف باصبر يوم قلبي من شقى عمره هبيل
بين جد وبين مزح ما دريت القلب مال=ليتني مارخيت حبله لين زاد الكيل كيل
واعرف انه كم تعثر من صناديد الرجال= مانجو من شين جوره روحوا والهم سيل
شرهتي على زمان عايشه حرب وقتال=وين ما لقيت وجهي واقف سده جليل
والدروب اللي صنعها ما مشيت ابها سهال=شوكها جرح شفا ياكيف يا عاد الرجيل
باطلب الله في صلاتي ينشي الراحه توال=صوب قلبي يوم قلبي يسمع الصيحه هديل
والسلام اعداد ما في الارض من حبه رمال=وعد حي سار فيها وعد من ودع رحيل
باذكره على نبي حط له سنه تشال=حافظين اقوال ربي عن طريقه والسبيل
[/poem]
[align=center]
وسلامتكم
محمد العجمي [/align][/frame]