هذه القصيده في سيدي صاحب السمو الملكي الامير سلمان بن عبدالعزيز حفظه الله
[poem=font="Simplified Arabic,5,black,normal,normal" bkcolor="transparent" bkimage="backgrounds/7.gif" border="groove,5,gray" type=1 line=0 align=center use=ex num="0,black"]
للعــز يـا قصرٍ علـى ضف وادي=
في شارع الوادي طوالٍ مبانيه
قصـرٍ لكــل النــاس ضــله ينادي=
كــلٍ تضلل فيه من ضل راعيه
قصر تشوف به الحضر والبوادي=
قصر أليا جيته جميع البشر فيه
قصـرٍ غــلاه بمهجــتي وبفــوادي=
قصرٍ احبه حيل بالحيل وأغليه
ماهو مثــل غيـره ولاهوب عادي=
قصر الأمير اللي بعيده هقاويه
أمـير نجــد اللــي يضـــد المعادي=
يالله عســى ربــي يمــتع لياليه
لعــل مــا يلبــس عليــه الحــدادي=
ولعلنــا بالعيــن دايـــم نـراعيه
ابو فهــد ذخــر الوطــن والعبادي=
ذخـــر الجميع وكل شعبه يحيه
لاجــاء نهــارٍ فيـــه كثــر العنادي=
الراي رايـه ويش ماقال نوحيه
ولاجــاء نهـارٍ فيــــه ثار الزنادي=
عهدٍ علــي لافديه لافديه لافديه
بالروح وبدمي وشـرربي وزادي=
هذا كلام الشعب كله وانا ابديه
ودون الوظن نثـني كــلامٍ وكادي=
لاحتــاجنا عيــبٍ عليـــنا نخليه
هــذه بلــدنا غيــر كــل البـــلادي=
الشــرع فيـــها من تعلا يوطيه
بــيــدٍ امـــيــنه ماتجيــها الايــادي=
اللي تخــرب كــل شـي وتنهيه
في ضل ابـو متعب هنانا الرقادي=
القائد اللــي هــم شعــبه يقــزيه
وولــي عهــده دون شــعبه يفادي=
يرخص لشعبه كل غالي ويعطيه
ياهيه يا راع الفتــن ويــن غــادي=
خــل الفتــن يــــا هيه ياهيه ياهيه
تدعو لخراب الدين باسم الجهادي=
غاوي ومن يتــبع طــريقك تغويه
ما عندك الا الكــذب ويـا الدوادي=
تكذب وتبهت جعـــل كذبك تلاقيه
تحسبك في لندن ركبت الشدادي=
تحــلــم بشــي منــت كفــوٍ تسويه
غرتك نفســك تحســب إنك قيادي=
تضحك على الجاهل بكذبك تمنيه
حاقد وخــاين للــوطن يـالربــادي=
الــدين يبــرا منـــك والله يبــريــه
وجهــك غشــاه العار كله سوادي=
حتــى المــداوي يا سعد ما يداويه
ياهل العقــول النيــره والـرشادي=
النــاشئه تحـــتاج نصــحٍ وتوجيه
كـــلٍ يقــوم بــواجبــه باجتــهادي=
وابنــه على درب الفضايل يربيه
توحــدو الوضـــع يبـــغى اتحادي=
ومــن هـــس منـــا لازم انا نقديه[/poem]
http://www.hedayah.net/Story.aspx?id=3372