[frame="7 80"]رسالةعظيمة بنظري اوجهها الى القيادة الحكيمة ادام الله عزها علينا وعلى وطننا الطاهر [/frame]
[poem=font="Simplified Arabic,5,firebrick,bold,normal" bkcolor="transparent" bkimage="backgrounds/29.gif" border="groove,9,limegreen" type=2 line=0 align=center use=ex num="0,black"]
أجيك كلّي يا شعر وانخاك لا لا تنتظر=اكتب رسالة حبرها دمع العيون وسمّها
رسالة المجد العظيم اللي عبيره انتشر=بين الدول واصبح مثابة لحمها مع دمّها
البسملة.. واترك سطر واكتب على ثاني سطر=يا سيّدي ياخادم البيتين ياللي ضمّها
ياصانع التاريخ عبدالله ويامن يعتبر=رمز الشهامة والشيم واغلى المعاني لمّها
انّي اعزّيك بفهد(ن) سيدي واعتذر=لا عجزت حروفي عن التعبير فيما همّها
وانا انا والله لو اكتب بدمّي وانتثر=ما أحصي افعاله سواء(ن) كيفها او كمّها
الناس لا جاها مصاب امّا تموت او تنتحر=والمسلمين ان جا مصاب اطهر دعاء يعمّها
يالله يامنشي السحاب اللي يشرّبنا مطر=ياللي اليك الناس تهرب من مصاب(ن) غمّها
انّك توسع قبر ابو فيصل فهد أغلى البشر=اللي على شانه تجرعنا المراره سمّها
وعزائنا يا سيّدي انك خليفة مقتدر=انت الامام اللي تبايعه الجموع بفمّها
وتقول لك سمعا وطاعه في المناطق والهجر=وتقول لك مادمت ابوها سيّدي فسمّها
حنّا دروعك يا ملك في اللين والا في العسر=وحنّا فدا للمملكة اذا البلاء ألمّها
انت الذي يا شيخ دايم في المعارك تنتصر=ياقائد الامّه ويامن في الصلاة يأمّها
ياخادم البيتين عبدالله ويامن تشتهر=بالرد في وجه الخسيس اللي حروفه نمّها
وبدمّنا نفديك لاخانك عدوّك اوغدر=لا شاف أسوار الظلام يروح يمشي يمّها
والا انت في أسوار مكّه والمدينه تعتمر=والا تزور وتفتتح التوسعه وتتمّها
ياسيّدي ياليتني وان طال فيني العمر=أصير لك خادم مطيع أو نسمتين تشمّها
نسمة على قلبك أخف وألطف من أغلى عطر=ونسمة على ميلة عقالك لاعتزيت تخمّها
ولساعدك الايمن تحيات وتراحيب وزهر=ولي عهد المملكة الى المعالي زمّها
لبّيه يا سلطان لامنّه طرى اسمك وانذكر=يجتاحني كل الفخر ومن المشاعر جمّها
الخاتمه .. واترك سطر واكتب على ثاني سطر=الخادم الحر الأبي اللي عيوبه ذمّها
((يحيى بن محمد علي)) كاتب مقالات وشعر=ورسالة المجد العظيم اغلى قصيدة تمّها[/poem]