[poem=font="Simplified Arabic,6,darkblue,bold,normal" bkcolor="transparent" bkimage="backgrounds/40.gif" border="groove,9,royalblue" type=2 line=0 align=center use=ex num="0,black"]
خذها نصيحة ياولد مادام مانت بقدي=لاتحكي بطبعي وطبعك باللقاء ولاّدي
والا انا طبعي ورثته من ابوي وجدّي=وورثت منهم قزّتي وفزّتي برقادي
والشعر اتقنته غصب واصبحت به متحدّي=اكسّر ابياتي وامشيّها على نقّادي
اختار صعبات القوافي وانطلق واهدّي=اغمّض عيوني ولكن اصبعي بزنادي
وامشي بكيفي اقف بصفّي او اقف ضدّي=واقف بكيفي امشي بصفّي او امشي غادي
يعني مميز مختلف مغرور لكن ردّي= عليك يابابا مميّز مختلف (موش) عادي
وان كان قصدك باتهامي شي يفسد ودّي=مع ناس ارباب لسوابق اسمهم حسّادي
شي راجع لذاتي امشيّها واذا ما ودّي=ماراح امشيّها وراح اتعبك بعنادي
وما يعرف عنادي سوى من ذاق حرّة صدّي= قدله ثلاث سنين متلهّف على ميعادي
وانا عليه من السما ابعد وهذا حدّي=بعدي عليه من المحيط الاطلسي للهادي
ولاجيت تبحر في مياهي انتبه من سدّي =لا تحسب ان بحري صغير او تحسب انّه وادي
اخشى عليك من الدّوار اليا حذف بك مدّي=ومن الجزر اخشى عليك ومن فكر الحادي
والناس ...تتجنب تصير ان جا تصادم ندّي = او بالاصح الناس تتجنب تصير اندادي
مدري كذا والا كذا هذي كتابة يدّي=حتى القواعد واللغة اصيغها .. بمرادي[/poem]